فۆتۆ:
2020-10-18
870 جار خوێندراوەتەوە
زێدەباری وێ یەکێ کو مۆبایلێن زیرەک بەرگریا ئاڤێ هەیە وکێمتر ئاڤ دچیتێ، لێ دگەل وێ یەکێ ژی دا، دەمێ مۆبایلاتە دکەڤیتە دناڤ ئاڤێ دا، پێدڤیە هندەک رێکارێن پێدڤێ و بلەز جیبجی بکەی، هەیا کو نەشەوتیت یان زرار بەرنەکەڤیت.
رۆپەلا ئەلجەزیرە د بابەتەکێ دا ئاماژە ب چەند پێنگاڤەکێن گرنگ کرنە کو پێدڤیە دەمێ مۆبالاتە د کەڤیتە دناڤ ئاڤێ دا جێبەجێ بکەی، ب ڤی جۆری:
پشتی وێ یەکێ مۆبایل دناڤ ئاڤێ دا دەرهینا ئێکسەر بتەمرینە پێش وێ یەکێ تێکبچیت، هر وەسا ب رێکی بگرە و سیمکارت و میمۆریی دەربهینە، د دەمەکێ دا ئەگەر شیایی پاتریا وێ ژی دەربهینە.
پشترا ب پارچەکا قوماشی یا هشک پاقژکە، بیێ وێ یەکێ چ پەستانێ بئێخیە سەر، چونکی ئەگەر هەیە ئاڤ بچیتە د ناڤ پشکێن ناڤۆکیێن مۆبایلێ دا، وەسا باشترە مۆبایلا خۆ نیشا کەسەکێ پسپۆڕێ چێکرنا مۆبایلان بدەیت هەیا کو بزانی زرار پێ نەگەهشتیە.
مۆبایلا خۆ نەهەلکە و دەست ژ چ دۆگمەیان نەدە، هەروەسا مۆبایلا خۆ نەڕاوەشینە چونکی ب وێ یەکێ ئاڤ دێ چیتە دناڤ پشکێن ناڤۆکیێن مۆبایلێ، هەروەسا نابیت دانیە بەرگەرمێ و پانکا هەوایی چونکی دێ خرابتر بیت.
ئەگەر ئاڤ ب مۆبایلاتە بەلاڤ بوو، پسپۆر رێنماهیان د دەن، چەند خولەکا داننە د ناڤ بەفرگرێ دا، چونکی پلەیا گەرمیا کێم رێکێ نادەت ئاڤ بچتە دناڤ پشکێن کویرا مۆبایلێ دا.