فۆتۆ:
2020-10-12
450 جار خوێندراوەتەوە
هەژمارەکا زانایێن بەریتانی د ڤەکۆلینەکێ دا دیارکرن، نڤستنا بشەڤ کێمتر ژ پێنج دەمژمێران و زێدەتر ژ حەفت دەمژمێران زرارێن زێدە بۆ مێشکی هەیە.
زانایێن زانینگەها لەندەن ڤەکۆلین لسەر ٤٠٠ کەسان کریە و داخواز ژ هەڤژینان کر، کارتێن بانکی و چەند تشتێن دی لسەر جهەکێ جودا بپارێزن و هەلگرن.
ئەنجامێ ڤەکۆلینێ دەرخستیە، کەسێن کو پێنج دەمژمێرا نفستینە هەڤئاوایێ کەسێن کو نەهـ دەمژمێران نڤستنە ژ ٥% ژ وان لسەر نیاسینا جهێ کارتێن خۆ شاشبوونە، پشتی کو تەمەن و ڕەگەزێ پشکداربوویان بەرچاڤ هاتیە وەرگرتن بۆ٢% داکەفت .
هەروەسا کەسێن زێدەتر ژ ١٠ دەمژمێران نڤستینە، ژ ١١% لسەر نیاسینا جهێن کارتێن خۆ کەفتنە د شاشیێ دا، پشتی کو تایبەتمەندیێن پشکداربوویان بەرچاف هاتیە وەرگرتن وەک سەدەمێن بۆماوەیی کو هندەک کەس نەچار دبن شەڤانە دەمەکێ زێدەتر بنڤن ڕێژە بۆ ٦% دادکەڤیت.
ئەنجامان دەرخستیە، نڤستن بۆ دەمەکێ درێژ هەروەسا کێم خەویێ باندۆری لسەر شیانێن هزرکرنێ هەیە.
ڤەکۆلەران بەحسا وێ یەکێ ژی کریە، کەسێن کو گەلەک دنڤن، ڕێکخستن د دەمێن نڤستنا وان دا نینە، ڕاستی ئاریشەیا نەهەڤبەندیا بەشێن مەژی دگەل هەڤدوو دبن.
ئالبێرت هنری، سەرپەرشتیارێ ڤەکۆلینێ و خودانێ گۆڤارا " international joyrnal of epidemiology " دیارکر ژی، هندەک نیشان بدەستخستنە کو بۆ دەمەکێ کێم یان درێژ دبیتە سەدەما دروستبوونا ئاریشەیان د هزرکرنێ دا، لێ ڤێ یەکێ پێدڤی ب ڤەکۆلینێن زێدەترە."
س.ع