فۆتۆ:
2020-10-04
667 جار خوێندراوەتەوە
سپێدەهیان پشتى ژ خەو رابوونێ کۆمەکا رەفتاران وەکى خۆشووشتن ب ئاڤا گەرم و خرابیا دەمێن نڤستنێ زرارێ ب ساخلەمى و دەروونى دگەهینن.
رۆپەلا شەرقلئەوسەت ل زارێ جویل ئینگیرسۆل نۆژدارێ دەروونى ئاماژێ ب وان رەفتاران دکەت کو پێتڤیە سپێدەهیان دەست ژێ بەردەى و لێ دوور بکەڤى، ژ بۆ کو خۆدانێن لەش و مێشکەکێ ب هێز بن و ئالیێ دەروونى ئارام بیت.
ئەو ژی ئەڤەنە:
ـ ژ وان رەفتاران دوور بکەڤە کو زرارێ ب ساخلەمیێ دگەهینن، وەکى پشتى ژ خەو رابوونێ دەست ب قەهوە ڤەخوارنێ بکەى یان بلەز بچیە دەرڤە ژ مال.
ـ رێک نەخستنا دەمێ نڤستنێ و دەمێ ژ خەو رابوونێ کو باندۆرێ لسەر مێشک و دەروونى دکەت.
ـ نەڤەمراندنا وێ دەمژمێرا بۆ ژ خەو رابوونێ دهێتە بکار ئینان، هەرچەندە زرار بۆ کەسێن ئاسایى نینە لێ ئەوێن نەخوشیا فشارا خوین یان دلى هەیە زرارێ ب دل دگەهینیت یان فشارا دەروونى و لێدانا دلى زێدە دکەت.
ـ پشتى خەو رابوونێ مۆبایلا خۆ هەلگرى و تەماشاى نامە و تۆرێن جڤاکى بکەى.
ـ خۆ شووشتن ب ئاڤا گەرم کو زرارێ ب چەرم و میزاجێ دگەهینیت.
ـ گرنگى نەدان ب دانێ خوارنا سپێدەهیان، دانێ سپێدەهیان سەدەمە بۆ پێدانا هێزێ ب لەشى و ئارامکرنا دەروون و زێدەکرنا تەرکیزێ.
م.س