فۆتۆ:
2020-09-11
598 جار خوێندراوەتەوە
ل باژاڕێ شیرازا پارێزگەها فارسا ئیرانێ زەلامەک چوویە سەر مالا برایێ خۆ و گازێ پێدا دکەت و ئاگر بەردایێ و گرتەیا ڤیدیۆیا وێ بوویەرێ ژی هاتیە بەلاڤکرن.
لگۆری گرتەیا ڤیدیۆیێ، کەسەک ل پشتا دەرگەهێ مالەکێ ب دولکەکێ گازێ ڕاوەستیایە و دگەل کەسەکێ دی دا دەنگەدەنگ ناڤبەرا وان داهەیە، گازێ پێدا دکەت و ژ نشکەکێ ڤە ئاگر پەیدا دبیت.
دەربارەی ڤێ یەکێ ژی، کاڤوس محەمەد جێگرێ ڕێڤەبەرێ پۆلیسێن پارێزگەها فارس ڕاگەهاند، ئەو دوو کەسە برا بوونە و ناکۆکیا وان لسەر پشکا میراتێ بوویە و ب سەدەما ئاگری ژی دوو کەس ب سوتنێ برینداربوونە.
بەحسا وێ یەکێ ژی کر، تۆهمەتبارێ بوویەرێ پشتی بوویەرێ ڕەڤیایە و بزاڤ بۆ دەستەسەرکرنا وی بەردەوامن.
س.م