فۆتۆ:
2020-09-11
873 جار خوێندراوەتەوە
بسپورەکێ خوارنێ ل هەرێما کوردستانێ ڕاگەهاند، خوارنا برنج و ئافکا فاسولیان پێکڤە مفایەکی زوور بۆ لەشى هەیە و رێژەیا کاربوهیدراتا د ناڤ برنجی دا کێم دکەت.
د بابەتەکێ ساخلەمى دا لەشکەر حەمید بسپوری خوارنی و سەرپەرشتیارێ لیژنەیا ساخلەمیێ دازانین، برنج پێکهاتەکێ کاربوهیدراتیە، زێدەترى ٥٠گرامێن کاربوهیدرادی د هەر کوپەکێ برنجى دا هەنە، ئەڤە ژى ڕێژەیا ٢٥٠ کلورێ وزێ یە کو کار دکەتە سەر شەکرا خوینێ و زێدەکرنا کێشا لەشى، هەروەسا ڕیژەیا ٤%ێ پرۆتین د هەر کوپەکێ برنجى دا یێن هەین.
دازانین ژى، د هەر کوپەکێ فاسولیایێ دا ٣٠ گرامێن مادەیێن ڕیشالەى هەنە کو ساخلەمیا دلی دپارێزیت و کارێ ڕیڤیکان ڕێکدئێخیت، ژبەر کێمچەورى (دوهن)ی د پێکهاتین وی دا کۆلیسترۆلا لەشى کیم دکەت.
ئاشکرا ژى کر، ئەو پرۆتینێن د کوپەکی فاسولیایێ دا هەین زێدەترى ٤٠ گراما نە، یا هاریکارە بۆ بهێزکرنا ماسولکێن لەشى و داکەتنا لەشى، ئەگەر دگەل برنجێ بهێتە خوارن دێ بیتە ئەگەری کێمکرنا ڕیژەیا شەکرێ د خوینی دا.