فۆتۆ:
2021-06-14
386 جار خوێندراوەتەوە
لگورەی راپۆرتەکا ڕۆپەلا بی بی سی عەرەبی، سعودیە سالانە نێزیکی ١٢ ملیار دۆلارێن ئەمریکی بدەست دکەڤن ب رێکا حەج و عومرێ، ئەوژی هاتیە، کو ئەڤسالە بسەدەما ڤایرۆسێ کۆرۆنایێ و رێکنەدان ب ئەنجامدانا فەریزەیا حەجێ ژ ئالیێ وەلاتێن دیڤە، سعودیە دێ بەرهنگاری گەلەک زیانان بیت.
ڕۆپەلا بی بی سی عەرەبی ئاماژە ب وێیەکێ کریە، بسەدەما ڤایرۆسێ کۆرۆنایێ و کێمبوونا هژمارا حەجیێن ئەڤسالە وەلاتێ سعودیە دێ بەرهنگاری زەرەکا مەزن یا ماددی بیت، ئەڤە ژی دووەم سالە لسەر ئێک رێک ب وەلاتیێن دەرڤەی وەلاتی ناهێتەدان بۆ ئەنجامدانا فەریزەیێ بچنە سعودیێ.
ل ١٢ی ڤێ مەهێ وەزارەتا حەج و عومرێ یا سعودیێ هژمارا حەجیێن ئەڤسالە ب ٦٠ هزار کەسان دیارکر و ڕاگەهاند، ئەڤسالە ژی بسەدەما کۆرۆنایێ رێک ب حەجیێن دەرڤەی سعودیێ ناهێتەدان فەریزەیا حەجێ ئەنجامدەن.
وەزارەتا حەج و عومرێ ڕاگەهاندبوو ژی، مافێ حەجکرنێ بتنێ بتنێ بۆ خەلکێ سعودیە و یێن ئاکنجیێن وی ولاتی بن و دیارکر، ئەو کەسێن دشێن حەجێ بکەن دڤێت ژیێ وان دناڤبەرا ١٨ بۆ ٦٥ سالیێ دابیت و نەخۆشیێن دومدرێژ نەبن.
م.م