فۆتۆ:
2021-06-11
3663 جار خوێندراوەتەوە
پشتی بڕیارەکا بانکا ناڤەندیا عێراقێ ب زێدەکرنا کۆژمێ دۆلاری بۆ بانک و نڤیسینگەهێن ئالوگۆریا دراڤی ئەڤرۆ بهایێ دۆلاری ب کۆژمێ ٧٥٠ دینار بۆ هەر ١٠٠ دۆلاران داکەت.
پشتی کو دوهی پێنجشەمبی، بانکا ناڤەندیا عێراقێ د نڤیسارەکێ دا بەحسا وێیەکێ کری، بڕیاردا کۆژمێ دراڤێ بیانی زێدەتر ب ئێخیتە دناڤ بازاڕی دا بۆ بانک و کۆمپانیان، ل پێناڤ داکەتنا بهایێ دۆلاری و بدەستڤەئینانا چەند ئارمانجێن سیاسی و ئابووری، ئەڤرۆ بهایێ دۆلاری داکەت.
تایبەت ب گۆهرینکاریان د بهایێ دۆلاری دا ل هەرێمێ، شارەزایەکێ دراڤی ل بازاڕێ پارە گۆهوران بۆ ئێن ئاڕ تێ ڕاگەهاند، ژبەر وێیەکێ کو ئەڤرۆ دەوام نینە هێشتا گۆهرینکاریێن بڕیارا بانکا ناڤەندیا عێراقێ ل هەرێمێ دیارنەبووینە.
د مەها کانونا ئێکێ یا سالا دەربازبووی دا، بانکا ناڤەندیا عێراقێ بهایێ ١٠٠ دۆلاران زێزیکی ١٢٠ هزار دیناران بۆ نێزیکی ١٤٥ هزار دیناران بلندکر و ڤێ ژی کاریگەری خستە سەر کار و داهاتێ وەلاتیان.
بلندبوونا بهایێ دۆلاری بۆ زێدەتر ژ ١٥٠ هزار دیناران بۆ ئێکەم جارە پشتی سالا ٢٠٠٣ێ، ب رەنگەکی کو بهایێ دۆلاری د بازاڕێن عێراقێ و هەرێما کوردستانێ دا هەمبەر دینارێ عێراقێ بلندترین بها تۆماربکەت و د نهادا بگەهیتە وێیەکێ بهایێ ١٠٠ دۆلاران ب ١٥٠ هزار و ٢٠٠ دیناران بازاڕ پێدهێتەکرن.
م.م