فۆتۆ:
2021-04-17
272 جار خوێندراوەتەوە
ئەڤرۆ شەمبی، بهایێ بەرمیلەکێ پەتڕۆلا خاڤا برێنت د بازاڕێن جیهانێ دا ب ٦٦ دۆلار و ٧٧ سەنتایە، هەڤبەرکرن بدوهی ئێک دۆلار و سێ سەنتان داکەتیە و بهایێ بەرمیلەکێ پەتڕۆلا خاڤا ئەمریکی ژی د بازارێن جیهانێ دا ب ٦٣ دۆلار و ١٣ سەنتان سەرەدەری دگەل دا دهێتەکرن.
د مەها بووریدا، بهایێ پەترۆلێ بۆ سەر ٧٠ دۆلاران بلندبوویە، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترومبێلان، بهایێ پەترۆلێ بۆ نزمترین ئاست د دیروکێ دا داکەت.
ل ئادار و نیسانا سالا دەربازبوویدا، بهایێ پەترۆلا خاڤا برێنت بۆ خار ٢٥ دۆلار و پەترۆلا خاڤا ئەمریکی ژی بۆ ئێکەمجار د دیروکی دا بۆ ٣٧ دۆلارا لژێر سفرێ داکەت.