فۆتۆ:
2021-04-16
335 جار خوێندراوەتەوە
ئەڤرۆ ئەینی، بهایێ بەرمیلەک پەترۆلا خاڤا برێنت ل بازارێن جیهانێ دا ب ٦٧ دۆلار و هەشت سەنتایە، بڤێ ژی بەراورد ب دوهی ئێک دۆلار و هەشت سەنتا بلندبوویە و بهایێ بەرمیلەک پەترۆلا خاڤا ئەمریکی ژی ب ٦٣ دۆلار و ٥٦ سەنتا مامەلە پێدهێتەکرن.
ل مەها دەربازبووی دا، بهایێ پەترۆلێ بۆ سەر ٧٠ دۆلارا بلندبوو، کو ئیکەمجاربوو ل پشتی کو ل سالا دەربازبووی ژ سەدەما بەلاڤبوونا ڤایرۆسا کۆرۆنایێ و ژ کارکەفتنا کارگەهێن مەزنێن جیهانێ و راگرتنا ڤەلڤینا ئامێر و ترومبێلان، بهایێ پەترۆلێ بۆ نزمترین ئاست د دیرۆکێ دا داکەت.
ل ئادار و نیسانا سالا دەربازبوویدا ژی، بهایێ پەترۆلا خاڤا برێنت بۆ خار ٢٥ دۆلار و پەترۆلا خاڤا ئەمریکی ژی بۆ ئێکەمجار د دیرۆکێ دا بۆ ٣٧ دۆلارا لژێر سفرێ داکەت.
هـ.ر