فۆتۆ:
2021-03-20
460 جار خوێندراوەتەوە
د نها دا بهایێ بەڕمیلەکا پەتڕۆلا خاڤا ئەمریکی د بازارێن جیهانێ دا ب ٦١ دۆلار و ٤٢ سەنتایە، کو بەروڤاژی دوهی ئەینی، بهایێ پەتڕۆلێ زێدەتر ژ یەک دۆلاری بلند بوویە.
هەڤدەم، بهایێ بەڕمیلەکا پەتڕۆلا خاڤا برێنت ژی د بازارێن جیهانێ دا ب ٦٤ دۆلار و ٥٣ سەنتا سەرەدەری دگەلدا دهێتە کرن.
ئەو ژی د دەمەکێ دایە، د دەما دەربازبووی دا، بهایێ پەتڕۆلێ بۆ زێدەتری ٧٠ دۆلاران بلندببوو، کو جارا یەکێ یە پشتی وێیەکێ ل سالا دەربازبووی ب سەدەما ڤایرۆسێ کۆرۆنایێ و ژ کارکەفتنا کارگەهێن مەزنێن جیهانی و ڕاگرتنا لڤینێن ئامیر و ترۆمبێلان، بهایێ پەتڕۆلێ بۆ نزمترین ئاستێ خۆ د مێژوویێ دا داکەت.
ل ئادارا سالا دەربازبووی ژی بهایێ پەتڕۆلا خاڤا برێنت بۆ خار ٢٥ دۆلاران و پەتڕۆلا خاڤا ئەمریکی ژی بۆ جارایەکێ د مێژوویێ دا ٣٧ دۆلاران بۆ بن سفرێ داکەت.
م.م