فۆتۆ:
2021-06-30
216 جار خوێندراوەتەوە
بسەدەمێ پێلەکا گەرمێ یا بهێز کو ویلایەتێن رۆژئاڤا یێن کەنەدا ڤەگرتینە، ٦٣ کەسان ژیانا خۆ ژ دەستدا.
د ڕاگەهاندنەکێ دا کو ژ ئالیێ پۆلیسێن کەنەداڤە هاتیە بەلاڤکرن، ئاماژە ب وێیەکێ دایە کو ب داتایێن یەکەیێن پۆلیسێن ویلایەتا بریتش کۆلۆمبیا ل باژێرێن سۆرێ، بێرنابی و ڤانکوڤەر و دەردورێن وان د دەمێ ٢٤ دەمژمێرێن دەربازبوویدا ٦٣ کەسان بسەدەمێ گەرمەکا زێدە ژیانا خۆ ژ دەست دا.
هەروەسا تیمیێن پۆلیسان ئەشکەراکر، پتریا وان کەسێن ژیانا خۆ ژ دەستداین کەسێن بناڤسالڤە چووی بوون.
ئەو پێلا گەرمێ یا کو ل هەر ئێک ژ بریتش کۆلۆمبیا، ئالبیرتا، یوکۆن و نۆرسوێست تێریتۆرێز- ڤەگرتی، ژ ئالیێ شارەزایانڤە ب"گوزمەیا گەرمێ" دهێتە بناڤکرن.
هێشتا ل دەڤەرێن بریتش کۆلۆمبیا و هژمارەک ژ دەڤەرێن ئالبێرتا پێلا گەرمێ کاریگەری هەیە و ل گوندێ لایتن دوهی ب تۆمارکرنا ٤٧.٩ پلەیا سەدێ، بلندترین پلەیا گەرمێ د دیرۆکا کەنەدا دا هاتە تۆمارکرن.
هـ.ئـ