فۆتۆ:
2021-06-28
65 جار خوێندراوەتەوە
زانکۆیا ئۆکسفۆرد ڕاگەهاند، دگەل کۆمپانیا ئەسترازینیکا یا بەریتانى-سویدى دچارچوڤێ تاقیکرنا کلینیکى دەستپێکریە ب دانا ڤاکسینا ئەسترازینیکا دژى کۆرۆنایا گۆهۆرى یا "بێتا" ب خۆبەخشانە.
زانکۆیا ئۆکسفۆرد ڕاگەهاندنەک بەلاڤکر، و تێدا هاتیە، نێزیکى دوو هزار و ٢٥٠ خۆبەخش ل بەریتانیا و باشورێ ئەفریقیا و بەرازیل و پۆلەندا دێ پشکداریێ د وەرگرتنا ڤاکسینێ دا کەن و د قوناغا ئێکێ و دووێ دا تاقیکرنا کلینیکى دێ لسەر مرۆڤى ئەنجامدەت.
ئەندرۆ بۆلارد پرۆفیسۆر و رێڤەبەرێ کۆمەلا ئۆکسفورد بۆ ڤاکسینان ڕاگەهاند، تاقیکرنا قورچێن گەشەپێدانا ڤاکسینان دژى زنجیرێن نوى یێن کۆرۆنا گۆهۆرى کارەکێ گرنگە ژبۆ کو ئامادەبن هەیا کو ب باشترین ئاوا بەرهنگارى کۆرۆنایێ ببین، ئەگەر دەربکەڤیت دەرکەفتنا ڤى ڤاکسینى کاریگەر و پێدڤیە.
لگورى ڕاگەهاندنا ئۆکسفۆرد، ل داویا ئەڤسالەدا ئەنجامێن تاقیکرنا ڤاکسینێ دێ هێنە ڕاگەهاندن و د چارچوڤێ ئەنجامدانا کارەکێ بلەز دا دێ پێشکێشى دەستەیا ئامادەکاریا ڤاکسینێ کەین هەیا نرخاندنێ بۆ بکەن.
ئەڤە د دەمەکى دایە، ژبەریا نها بەرپرسەکێ کۆمپانیا فایزەر ڕاگەهاند، ڤاکسینا فایزەر-بایۆتیک ب رێژا ٩٠% ل هەمبەر کۆرۆنا گۆهورى یا هندى یا "دەلتا" کاریگەرە. هەڤدەم، ئەسترازینبکا یا بەریتانیى ژى ڕاگەهاند، ڤاکسینا وان ب ئاوایەکێ بەرچاڤ ل هەمبەر زنجیرێن نوى یێن کۆرۆنا کاریگەرە، دنها دا ل عێراق و هەرێمێ هەرئێک ژ وان دوو جۆرێن ڤاکسینێ بەردەستن و رۆژانە وەلاتى ل بنگەهێن ساخلەمیێ وەردگرن.
د.ش