فۆتۆ:
2021-06-28
315 جار خوێندراوەتەوە
دەستهەلادارێن سعودیێ ڕاگەهاندن، هەمی ئەو کەسێن مەرج ژ وان دگریت و ناڤێ وان بۆ ئەنجامدانا فەریزا حەجێ ل ناڤخۆیا وی وەلاتی دەرکەتیە، دڤێت هەردوو قورچێن ڤاکسینا کۆرۆنایێ وەرگرتبن.
ئاژانسا نووچەیێن سعودیێ بەلاڤکریە، وەزارەتا حەج و عومرەیا وی وەلاتی تەکەزکریە سەر پێتڤیبوونا وەرگرتنا قورچا دووێ ژ ڤاکسینا دژی کۆرۆنایێ ژ ئالیێ وان کەسانڤە ئەوێن ناڤێن وان بۆ ئەنجامدانا فەریزا حەجێ هاتی.
ئاماژە ب وێیەکێ ژی کریە، پێتڤیە ئەو کەسە ل دەما دەرکەتنا ناڤێن وان هەیا ٤٨ دەمژمێرێن دی ل نێزیک بارگەهێ ساخلەمیا قورچا دووێ ژ ڤاکسینا کۆرۆنایێ وەربگرن و پێتڤی ناکەت جارەکا دی خۆ تۆماربکەن بۆ سراگرتنێ.
دەستپێکا ئەڤێ مەهێ وەزارەتا حەج و عومرەیا سعودیێ هویرکاریا برێڤەچوونا حەجا ئەڤ سالە ڕاگەهاند، پیڤەر ژی بۆ ئەنجامدانا فەریزا حەجا ئەڤ سالە بریتیبوو ژ وێیەکێ بتنێ ئاکنجیێن ناڤخۆیا سعودیێ ژ هەمی رەگەزان و هەلگرین ڕەگەزنامەیێن جودا دشێن فەریزا حەجێ ئەنجامبدەن و هەژمارا وان ژی بتنێ ٦٠ هزار حەجی نە کو ژیێ وان دناڤبەرا ١٨ بۆ ٦٠سالیێ دا بیت و توشی پەژیکا کۆرۆنایێ بیت و چارەسەر ببیت یان ژی ١٤ رۆژ بسەر وەرگرتنا قورچا ئێکێ ژ ڤاکسینا دژی کۆرۆنایێ دەربازکربن یان پاراستی بیت و توشی کۆرۆنایێ نەببیت، لێ مەرجە هەمی ڤاکسینێ وەربگرن ب هەردوو قورچێن ئێک و دوو ڤە.
و.ح