فۆتۆ:
2021-06-26
1056 جار خوێندراوەتەوە
بسەدەما بەلاڤبوونا گرتەکا ڤیدیۆیی وەزیرێ ساخلەمیا بەریتانیا دگەل ئێک ژ هەڤکارێن وى، دەست ژ کار کێشا.
ئەڤرۆ شەمبى، ئاژانسا نووچەیێن رۆیتەرز بەلاڤکیە، مات هانکوک وەزیرێ ساخلەمیا بەریتانیا، پشتى چەند رۆژەکان ژ بەلاڤبوونا گرتەیەکا ڤیدیۆیی و وێنەیەک دگەل جینا کولادانجیلۆ، ئێک ژ هەڤکارێن وى، کو رێکارێن خۆپارێزیێ شکاندبوون، لژێر گڤاشتنان دەست ژکار کێشا.
ژبەریا نها، رۆژناما زە سەنى یا بەریتانى چەند وێنەیەکێن مات هانکۆک وەزیرێ ساخلەمیێ یێ وى وەلاى بەلاڤبوون کو تێدا هەمبێز ماچى جێگرا خۆ دکەت.
مات هانکۆک ژیێ وى ٤٢ سالە و ب هەڤژینە و بابێ سێ زارۆکانە، ئەو وێنە ژى ل جهێ کارى هاتینەگرتن، جێگرا خۆ ژى هەر وى ب خۆ دامەزراندیە.
پشتە بەلاڤبوونا وان وێنەیان داخازا لێبوورینێ ژ خەلکێ کر و ڕاگەهاند دووریا جڤاکى بنپێکریە، خەلک سەردابریە د داهاتى ژى دا د ێباشتر کار کەت بۆ بەرهنگاربوونایێ کۆرۆنایێ.
د.ش