فۆتۆ:
2021-06-26
101 جار خوێندراوەتەوە
میدیایێن ئەمریکا ڕاگەهاند، تۆهمەتبارێ سەرەکى ب کوشتنا جۆرج فلۆید ب زێدەتر ژ ٢٢ سالێن زیندانکرنێ هاتە سزادان.
دێریک چۆوڤین ئەفسەرێ ژبەریا نها یێ پۆلیسێن مینیاپۆلس ب تۆهمەتا کوشتنا جۆرج فلۆید، سزایێ ٢٢ سال و شەش مەهێن زیندانکرنێ بسەر دا هاتە سەپاندن.
جۆرج فلۆید زەلامەکێ ڕەش پیستێ ئەمریکى بوو، ٢٥ێ ئایارا ٢٠٢٠ێ ل پێشیا دوکانەکێ ل باژێرێ مینیاپۆلس ل ویلایەتا مینیسۆتا ل ئەمریکا د دەما دەستەسەرکرنا وى دا پۆلیسەک پیێ خۆ د دانیتە سەر ملى و ب وێ سەدەمێ ژیانا خۆ ژدەست ددەت، کو وێ بوویەرێ گەلەک نەرازیبوون و توورەبوون ل ئەمریکا بدویڤ خۆ دا ئینان.
بوویەر ب ڤى ئاوایی بوو کو پۆلیسەکێ فلۆید ژ ناڤ ترۆمبێلا وى ئینا ژدەرڤەى و دەستێن وى کەلەپچەکر و پاشى "دێرک چاوڤین" کو ئەفسەرەکێ پۆلیسییە، گەهشتیە جهێ بوویەرێ، لگورى گرتەیێن ڤیدیۆیی ئەوان بزاڤێ دکەن جۆرج فلۆید ب بەنە ناڤ ترۆمبێلا پۆلیسان، ئەو ژى بەرگیریێ دکەت، ژبەر وێ چەندێ چاوڤینێ پۆلیس؛ فلۆید خستە سەر ئەردى و پێ خۆ یێ چەپێ خستە سەر ملێ وى.
وەکو دەردکەڤیت، هەرچەندە فلۆید چەند جاران دبێژیت کو ئەو نەشێت هەناسا خۆ بدەت، لێ ئەو ئەفسەر بۆ دەما هەشت خۆلەکان پیێ خۆ ناڕاکەت، هەیا کۆ فلۆید بێ هۆش دبیت، بلەز دبەنە نەخۆشخانێ و ل وێرێ ژیانا خۆ ژدەست ددەت.
د.ش