فۆتۆ:
2021-06-26
107 جار خوێندراوەتەوە
ئاگرەکێ مەزن ب هەردوو دەڤەرێن گەشتیاریێن ئەمیر سولتان و جەڕە ل دەڤەرا عەسیر ل باشورێ رۆژئاڤایێ وی وەلاتی کەفت و زەرەرێن مەزن یێن ماددی ب وێ دەڤەرێ گەهاندن، لێ زیانێن گیانی نەبوون.
ئەڤرۆ شەمبی، ڕێڤەبەریا بەرەڤەنیا شارستانی یا سعودیێ د تویتەرێ خۆدا ڕاگەهاند، تیمێن وان مژویلی کۆنتڕولکرنا ئاگران بوون، هەیا نها چ زیانێن گیانی و برینداربوونێ لێ نەکەفتینە.
تویتێ بەرەڤانیا شارستانی چ ئاماژە ب سەدەمێ ئاگر بەربوونێ نەکریە، لێ پشکەک ژ چالاکڤانێن تۆڕێن جڤاکی د تویتەری دا ئاماژە ب وێیەکێ کریە، "هەر دوو دەڤەر شەوتاندینە".
ئەڤە ددەمەکیدایە، چارشەمبیا دەربازبووی ئاگرەکێ دی ب دەڤەرا ئەمیر سولتان کەفت و ب سەدەمێ بایێ توندێ ل وێ دەڤەرێ هاتی راستی شەوتینەکا بەرفرەهـ بوو، لێ تیمێن بەرەڤانیا شارستانی کارینە ئاگری کۆنتڕۆل بکەن.
هـ.ئـ