فۆتۆ:
2021-06-23
455 جار خوێندراوەتەوە
بەرپرسێ نڤیسینگەها حەسەن روحانی ڕاگەهاند، ئەمریکا رازیبوون لسەر ڕاکرنا هزار و ٤٠ سزایان دیارکریە کو سێکتەرێن پەترۆل و ڤەگۆهاستنێ لسەر ئیرانێ ڤەدگریت، دبێژیت ژی، "هەژمارەک ژ کەسایەتی و ئەندامێن نێزیک ل عەلی خامنەی رابەرێ بلندێ شۆرەشا ئیسلامیا ئیرانی ڤەدگریت".
ئەڤرۆ چارشەمبێ، میدیایێن ئیرانێ لسەر زارێ مەحمود واعزی بەرپرسێ نڤیسینگەها حەسەن روحانی سەرۆک کۆمارێ بەرێ یێ ئیرانێ بەحسا وێیەکێ کر، دکەڤانێ گۆتۆبێژێن ڤیەنادا، ئەمریکا رازیبوون لسەر هەلگرتنا سزایێ وەلاتێ خۆ لسەر کەرتێ پەترۆلێ، ڤەگۆهاستن و پشتراستیا ئیرانی دیارکریە.
بەرپرسێ نڤیسینگەها حەسەن روحانی ئاماژە ب وێیەکێ ژی کر، دکەڤانێ ڕاکرنا سزایاندا، ئەمریکا بڕیار دایە ناڤێ چەند کەسێن دیار یێن ئیرانی ژ لیستا سزایێن خۆ دا دەربێخیت.
مەحمود واعز بەحسا وێیەکێ ژی کر، نێزیکی هزار و ٤٠ سزا کو مێژوویا وان بۆ سەردەمێ ترەمپ ڤەدگەرن دکەڤانێ لهەڤهاتنێ دا دهێنە ڕاکرن، دگەل وێیەکێ ژی لهەڤهاتن راکرنا سزای بسەر هەژمارەکا کەسایەتی و ئەندامێن نێزیک ل عەلی خامنەی رابەرێ بلندێ شۆرەشا ئیسلامییا ئیرانێ ڤەدگریت.
ئەڤەد دەمەکی دایە، ل دەستپێکا مەها دەربازبووی گۆتۆبێژێن ڤییەنا دناڤبەرا ئیران و روسیا و چین و ئەمریکا و بەریتانیا و فەرەنسا و ئەلمانیا دەربارەی ساخکرنا لهەڤهاتنا ئەتۆمیا ئیرانێ ب ئارمانجا رێگرتنێ ل وی وەلاتی بۆ ڕاوەستاندنا حەلکرنا یۆرانیۆمێ و بدەستخستنا چەکێ ئەتۆمی و لهەمبەر وێیەکێ ژی ئەمریکا سزایێ سەپاندی بسەر کەرتێ جودا و کۆمپانیا و بەنک و کەسایەتیانا ڕاکەت.
و.ح