فۆتۆ:
2021-06-22
273 جار خوێندراوەتەوە
کوچکا سپی ڕاگەهاند، حکومەتا جۆ بایدن سەرۆکێ ئەمریکا پلانەک هەیە بۆ دابینکرنا ٥٥ ملیۆن قورچێن ڤاکسینا کۆرۆنایێ بۆ رێگرتنێ ل ڤایرۆسێ کۆڤید-١٩ لسەر ئاستێ جیهانێ.
کوچکا سپی دڕاگەهاندنەکێ دا بەلاڤکریە، دکەڤانێ دابینکرنا وان ٥٥ ملیۆن قورچێن ڤاکسینێ دا، ١٤ ملیۆن بۆ وەلاتێن فەلەستین، عێراق، کۆلۆمبیا، ئەرجەنتین و ئۆکرانیانە.
ئاماژە ب وێیەکێ ژی کر، نێزیکی ٤١ ملیۆن قورچ، بۆ بەرنامەیا ڤاکسینا جیهانی (کۆڤاکس) دهێنە مەزاختن، کو نێزیکی ١٤ ملیۆن قورچ بۆ ئەمریکا لاتینی و کاریبی، نێزیکی ١٦ ملیۆنان بۆ ئاسیا و ١٠ ملیۆن قورچێن ڤاکسینێ بۆ وەلاتێن ئەفریقیا دبن.
بەحسا وێیەکێ ژی کر، پلان دکەڤانێ سوزا جۆ بایدنی سەرۆکێ ئەمریکا دایە بۆ دابینکرنا ٨٠ ملیۆن قورچێن ڤاکسینێ بۆ سەرتاسەری جیهانێ و دڤێ مەهێ ژی دا، ٢٥ ملیۆن قورچێن ڤاکسینێ دێ هێنە دابینکرن.
ئەو ژی د دەمەکی دایە، پشتی بەلاڤبوونا ڤایرۆسێ کۆرۆنایێ د جیهانێ دا، وەلاتان رێکارێن دژوار بۆ خۆپاراستنێ ژ ڤ ڤایرۆسی گرتنە بەر، لێ پشتی دروستکرنا ڤاکسینا کۆرۆنایێ رێکار پێنگاڤ پێنگاڤ هاتنە ئاسایکرن و جۆ بایدن ژی ل دەما بانگەشا هەلبژارتنان بەحس ل دابینکرنا ڤاکسینێ بۆ تەمامیا جیهانێ کر و نها دابینکرن ل ئەمریکا د وی کەڤانیدایە.
و.ح