فۆتۆ:
2021-06-21
123 جار خوێندراوەتەوە
پۆلیسێن مسرێ ڕاگەهاند، زەلامەک دەستەسەرکر ب بهانەیا دەرخستنا ئەجنەیان ژ لەشێ ژنەکێ ب کێڤلى و دارا د دانیتەیێ و دئەنجامدا ژیانا خۆ ژدەست دا.
ژنەک ل پارێزگەها مەتروح ژیایە و دەمەکە ب دەست نەخۆشیێن دەروونى دنالیت و خێزانا وێ د وێ باوەرێ دا بوون ئەجنە د لەشێ وێ دانە، ڤێ ژى وەل هەڤژینێ وێ کریە هەڤژینا خۆ ببیتە لایێ زەلامەکی هەیا کو " چارەسەریا رۆحى" بۆ بکەت و چاڤدێریا وێ بکەت.
د دەما ڤەکولینێ دا ل دەڤ پۆلیسان، دانپێدان ب وێیەکێ کریە کو ئێک ژ هەڤالێن وى پێشنیار بۆ کریە هەیا کو هەڤژینا خۆ ببیەتە لایێ "شێخەکێ رۆحانى" کو ژیێ وى٣٠ سالن.
د دەما چارەسەریێ دوو کەسان دەست وپێ یێن وێ گرتینە و ب کێڤلى و دارا دەینایە یێ و گوتیە ب ڤێ رێکێ دێ چارەسەربیت و ئەجنە ژ لەشێ وێ دێ دەرکەڤن.
هەڤژینێ وێ دبێژیت، پشتى دەمژمێرەکێ ژ لێدانێ ئەو ژنە دلگرتى دبیت و هەردوو زەلام دهێنە ژ دەرڤە بۆ لایێ وى و دبێژنێ، "هەڤژینا تە یا نڤستى، ژێ بگەرهە هەیا کو ژ خەو ڕادبیت و پاشى دێ باشتر بیت".
د درێژیا دانپێدانان دا هەڤژینێ وێ ژنێ بەحسا وێیەکێ ژى کر، هەمیان ئەز بتنێ هێلام و چوون، پاشى چوویە وێ ژورا هەڤژینا وى تێدا دبینیت هەڤژینا وى ب تەمامى دلگرتى بوویە و توشى خۆین بەربوونێ بوویە، ئەو ژى بلەز دبەتە بۆ نەخۆشخانەیەکێ ل نێزیکى وێ دەڤەرێ.
پاشى هەر ب رێیا نەخۆشخانێ پۆلیسان ژ وێ بوویەرێ ئاگەهدار دکەت و ئەو زەلامێ خۆ ب شێخێ رۆحانى دایە نیاسین دەستەسەرکریە و رێکارێن یاسایی ل هەمبەرى وى گرتنە بەر.
د.ش