.jpg)
فۆتۆ:
2021-06-20
112 جار خوێندراوەتەوە
دەزگەهێ لوتکە بۆ کاروبارێ پەنابەران ئامارا شەش سالێن دەربازبووی بەلاڤر و ڕاگەهاند، د دەما شەش سالێن دەربازبوویدا، ل عێراق و هەرێما کوردستانێ زێدەتر ژ ٦٢٠ هزار کەسان بەرەڤ وەلاتێن ئەورۆپا چوونە.
ئاری جەلال سەرۆکێ دەزگەهێ لوتکە بۆ کاروبارێن پەنابەران دکۆنفرانسەکێ رۆژنامەڤانیدا ڕاگەهاند، ژ کۆما ٦٢٠ هزار کەسێن کو بەرەڤ وەلاتێن ئەورۆپا چووینە، ٢٥٦ کەسان ژیانا خۆ ژ دەستدایە و ١٧٣ کەس ژی بێسەروشین و نەدیارن.
گوت ژی، رێژا کۆچبەریێ بەرەڤ وەلاتێن ئەورۆپا وو بەلقان د چار سالێن دەربازبوویدا کێمبوویە، دبێژیت ژی، دنهادا ئەو پەنابەرێن ل هەرێما کوردستانێ دژین، ژیانا وان گەلەک ژ یا وان پەرنابەران خۆشترە ئەوێن کو ل وەلاتێن بەلقانن.
ئەڤرۆ ٢٠ی حوزەیرانا ٢٠٢١ێ رۆژا جیهانیا پەنابەران بوو و ٧٠ سال بسەر ڕاگەهاندنا جارناما کۆربەندێ جیهانیێ جنێف بۆ مافێن پەنابەران دەربازبوون، دەزگەهێ لوتکە ژی دبێژیت، هێشتا دیاردا کۆچبەریێ ب ڕەنگەکێ "بەرچاڤ و مەترسیدار" بەردەوامی هەیە، سەدەم ژی بۆ نەجیگربوونا ڕەوشا سیاسی و ئابووریا کومەلایەتی ڤەدگەریت.
و.ح