فۆتۆ:
2021-06-20
284 جار خوێندراوەتەوە
کۆمسیۆنا پەنابەرێن سەر ب نەتەوەەیێن هەڤگرتى، هژمارا کەسێن دناڤخۆ دا ئاوارەبووین یان ژى ژ وەلاتەکى پەنابەربووین ٨٢ ملیۆن و ٤٠٠ هزار کەسن.
ل رۆژا جیهانیا پەنابەران دا کۆمسیۆنا پەنابەران یا سەر ب نەتەوەیێن هەڤگرتى ڕاپورتەک بەلاڤکریە و تێدا هاتیە، "بۆ دەما ١٠ سالان ل سەر ئێک پەنابەریی بەرەڤ زێدەبوونێ یە و دنها دا هژمارا وان کەسێن دناڤخۆیا وەلاتى دا ئاوارە و پەنابەربووین بۆ وەلاتەکێ دى و داخازا پەنابەریێ کریە ٨٢ ملیۆن و ٤٠٠ هزارکەسن".
هەر ب گۆتنا وێ کۆمسیۆنێ، ژ سەرجەمێ ١٠٠ کەسان د جیهانێ دا کەسەک نەچاربوویە ژ سەپاندن و شەڕ و بنپێکرنا مافێن وى ئاخا خۆ بجهـ هێلایە و رێکا هات و نەهاتنێ گرتیە بەر، ئەڤە ژى دبیتە ٢٠ کەس د هەر ئێک خۆلەک دا.
دەربارەى ئاوارەیێن عێراقێ ژى ئەوچەندە ژى دیار کر، د عێراقێ ژى دا دەهان سالە ب ملیۆنان کەس ئاوارەبوونە و مەزنترین پێلا ئاوارەیان ل سلا ٢٠١٤ێ بوو، دەما نێزیکى دوو ملیۆن کەسان ژ موسل و باژێرێن دى یێن عێراقێ ژ ترسێن ڕێکخاروا داعش بەرەڤ هەرێما کوردستانێ هاتن.
دیار ژى کر، ل سەر ئاستێ جیهانێ تورکیا پێشەنگە و هژمارا پەنابەران تێدا گەهشتینە ٦ ملیۆن و ٧٠٠ هزار کەسان و پرانیا پەنابەرێن وێ خەلکێ سوریا و ڤەنزوێلانن، دگەل موسلمانێن ڕۆهینگیا ل میانمار کو چوونە بەنگلادیش.
ئەڤە د دەمەکى دایە ئاستەنگێن ل هەمبەر پەنابەران د زێدەبوونێ دایە و هەیا کو ل وان وەلاتێن کو د کەڤن دا بنەمایێن وان بەرەڤانى کرن بوو ژ مافێ پەنابەران.
د.ش