فۆتۆ:
2021-06-19
121 جار خوێندراوەتەوە
بسەدەمێ کەفتنا خارێ یا بالەفڕا وان ل دەڤەرا کەمەرۆڤۆ یا هەرێما سیبیریا ل روسیا کو هژمارەکا وەرزژڤانێن پەڕەشووتان دناڤدابوون، نەهـ کەسان ژیانا خۆ ژ دەستدا.
ئەڤرۆ شەمبی، فەرمانگەها بارێ نە ئاسایی یێن وەلاتێ روسیا ڕاگەهاند، ل دەڤەرا کەمەرۆڤۆ یا هەرێما سیبیریا بالەفڕ مەکینەیا بچویک ژ جۆرێ ئێل ٤١٠، هژمارەیەکا وەرزشڤانێن پەڕەشووتان تێدابوون، ل دەمێ ب ڕێکەفتنێ ئاریشە کەفتە د ئێک ژ پەروانان دا.
ئەوژی دیارکریە، ددەمەکیدا بالەفڕ ل هەمان بالەفڕخانە یا تێدا ب ڕێکەتی، ب دژواری کەفت و کەفتە سەر لایێ خۆ یێ چەپێ.
ئاماژە ب وێیەکێ ژی کریە، ددەمێ بوویەرێ دا نەهـ سەرنشینێن دناڤ بالەفڕێدا ژیانا خۆ ژ دەست دایە، کو دوو ژ وانا بالەفڕڤان بوون، ١٥ سەرنشینێن دی ژی برینداربووینە و ڤەکۆلین لسەر روویدانێ دەستپێکرینە.
هەر ئەڤرۆ ئاژانسا هەوالی یا فارس بەلاڤکریە، ل باژێرێ دیزفول ل پارێزگەها خوزستان ل باشورێ رۆژئاڤایێ ئیرانێ هەلیکوپتەرەک کەفتە خارێ و کەسەکی ژیانا خۆ ژ دەستدا و ١١ کەسێن دی بریندار بوون.
هـ.ئـ
