فۆتۆ:
2021-06-19
1658 جار خوێندراوەتەوە
ئاژانسا هەوالی یا فارس بەلاڤکریە، ل باژێرێ دیزفول ل پارێزگەها خوزستان ل باشورێ رۆژئاڤایێ ئیرانێ هەلیکوپتەرەکێ کو پشکەک ژ سندوقێن دەنگێ یێن وێ دەڤەرێ ڤەدگوهاستن کەفتە خارێ و کەسەکی ژیانا خۆ ژ دەستدا و ١١ کەسێن دی بریندار بوون.
ئەڤرۆ شەمبی، ئاژانسا نوچەیی یا فارس ژ زاردەڤێ قاسم سولیمانی دەستەیا پارێزگەها خوزستانێ بەلاڤکریە، هەلیکوپترەک ل دەڤەرا ئەحمەد فەدالە ل نێزیک پارێزگەها دیزفول کو دەڤەرەکا ئاسێیە کەفتیە خارێ.
ئەوژی دیارکریە، د ئەنجامێ ڤێ بوویەرێ دا کەسەکی ژیانا خۆ ژ دەستدا و ١١ کەسێن دی بریداربوون و هەمی بۆ نەخۆشخانێ هاتنە ڤەگوهاستن و رەوشا هندەک ژ وانا نەیا جێگیرە.
ئەڤە ددەمەکیدایە، رۆژا ١٨ حوزەیرانا ئەڤسالە هەلبژارتنێن سەرۆکایەتیا ئیرانێ بڕێڤە چوون کو ٥٩ ملیۆن و ٣١٠ هزار و ٣٠٧ وەلاتیان مافێ دەنگدانێ هەبوو ژوێ هژمارێ ملیۆنەک و ٣٩٢هزار و ١٤٨ وەلاتیان ئێکەمجاربوو پشکداریێ د هەلبژارتنان دا بکەن.
تێدا ئیبراهیم رەئیسی د ئەنجامێ جوداکرنا ٩٠% یا دەنگان کاریە ١٧ ملیۆن و ٨٠٠ هزار دەنگان بدەستخۆڤە بینیت و بڤێ ژی سەرۆکێ نوی یێ ئیرانێ هاتە هەلبژارتن و کاریە لسەر سێ بەربژێرێن دی بسەرکەڤیت و بڤێیەکێ ژی پتریا دەنگان و ب رێژەیا ٦٢% بۆ خۆ مسوگەرکرینە و بوویە هەشتەمین سەرۆکێ ئیرانی.
هـ.ئـ