فۆتۆ:
2021-06-18
264 جار خوێندراوەتەوە
ئەڤرۆ ١٨ێ حوزەیرانێ، ١٣ەمین هەلبژارتنێن سەرۆکایەتى ل ئیرانێ دەستپێکرن و تێدا ٥٩ ملیۆن و ٣١٠ هزار و ٣٠٧ وەلاتیان مافێ دەنگدانێ هەیە، ژ وێ هژمارێ ژى ملیۆنەک و ٣٩٢ هزار و ١٤٨ وەلاتى ئێکەم جارە بەشداریێ د هەلبژارتنان دا بکەن و ئێک ژ وان چار بەربژێران د رکابەریێ دا ماین دێ هێنە هەلبژارتن.
د نها دا سندوقێن دەنگدانێ ب پێش وەلاتیێن ئیرانێ دا هاتینە ڤەکرن و دەست ب دەنگدانێ هاتیە کرن بۆ هەلبژارتنان.
د دەما دەربازبووى دا لگورەى ڕاپورتێن میدیایی، وەلاتیان گازندە ژ دەسهەلاتا وەلاتێ خۆ هەبوو، ب ئاوایەکى بەشەکێ بەحسا وێیەکێ دکر، وان نەڤێت بچنە دەنگدانێ.
د هەلبژارتنێن سەرۆکایەتیا پەرلەمانێ ئیرانێ دا. ٥٩٢ کەسان داخازا خۆ بەربژێرکرنێ بۆ پۆستێ سەرۆک کۆمارێ ئیرانێ پێشکێشکریە و ژ وێ رێژەیێ ژى بتنێ حەفت کەس پەسەندکرینە.
هەر ئێک ژ مەحمود ئەحمەدێ نەژاد سەرۆکێ ژبەریا نها یێ ئیرانێ، عەلى لاریجانى سەرۆکێ بەریا نها یێ پەرلەمانى، ئیسحاق جیهانگیر جێگرێ حەسەن رۆحانى و سەرۆکێ نها یێ ئیرانێ ژ وان بەربژێران بوون کو داخازا خۆ بربژێرکرنێ بۆ سەرۆکایەتیا ئیرانێ ژ ئالیێ جڤاتا پاراستنا دەستورى رەتکریە و دەربارەى وێەکێ ژى وێ جڤاتێ ڕاگەهاند، "وان کەسان شەرتێن گونجایی نەبوون هەیا کو خۆ بۆ سەرۆکایەتیا ئیرانێ بەربژاربکەن".
هژمارا بەربژێرێن سەرۆکایەتیا ئیرانێ کو ژ ئالیێ دەستورى ڤە پەسەندکرین حەفت کەس بوون و تێدا هر ئێک ژ محسین مەهر عەلى زاد، عەبدولناسر هیمەتى پارێزگارێ ژبەریا نها یێ بانکا ناڤەندیا ئیرانێ کو ب بەربژێرێ حزبا ریفۆرمخاز بەرنیاسە هاتینە پەسەندکرن.
پێنج بەربژێرێن دى ژى سەر ب حزبا پارێزگارن نێزیکە لە عەلى خامنەیی ڕابەرێ شۆرەش و سوپایێ پاسداران.
رۆژا چارشەمبی، محسین مهر عەلى زادە لسەر حزبا ریفۆرمخازا ئیرانێ و ئێکە ژ بەربژارێن هەلبژارتنێن سەرۆکایەتیێن ئیرانێ خۆ ڤەکێشا.
دناڤ چار بەربژارێن دى دا بۆ هەلبژارتنێن سەرۆکایەتیا ئیرانێ، شارەزایێن نێزیکى رەئیسى ژ عەلى خامنەیی رابەرێ بلندێ ئیرانێ و سوپایێ پاسداران ب سەدەمێ سەرەکى ددانن کو دەرفەتا دەرچوونێ هەبیت و وەک سەرۆکێ داهاتى یێ ئیرانێ بهێتە هەلبژارتن.
ئێکەم هەلبژارتنێن پەرلەمانێ ئیرانێ، ڤەدگەریت بۆ سالا ١٩٠٦ێ پشتى شۆڕەشا مەشروتە یا ئیرانێ و لسەر خاستا مەشروتەخازان دەولەتا قاجار نەچار کر پەرلەمانى دامەزرینیت و ئێکەمین خۆلا پەرلەمانى قەبول بکەن، ل سالا ١٩٥٣ێ دا محەمەد رەزا ساهێ پەهلەوى ب رێکا ئەنجام دانا کودەتایێ دەسهەلات خستە بن دەستێ خۆ و هەیا سالا ١٩٧٩ێ ل دەسهەلاتێ ما، پشتێ وێیەکێ گەلێن ئیرانى ب ڕابەریا "روحوللا مستەفا موسەوى خومەینى" شۆڕەش بەرپاکر و سیستەمێ دەسهەلاتا ئیرانێ ژ پاشایەتیێ بۆ کۆمارى گوهۆرى.
د.ش