فۆتۆ:
2021-06-16
332 جار خوێندراوەتەوە
ل ژنێفا پایتەختێ سویسرا جڤینا لەتکەیی دناڤبەرا جۆبایدن سەرۆکێ ئەمریکا و ڤلادیمێر پوتین سەرۆکێ روسیا دەستپێکر.
ئەڤرۆ چارشەمبێ هەر ئێک ژ جۆبایدن سەرۆکێ ئەمریکا و ڤلادیمێر پوتین سەرۆکێ روسیا بۆ بڕێڤەچوونا جڤینا لوتکەیی دناڤبەرا واندا گەهشتنە ژنێفا پایتەختێ سویسرا. هەر ئێک ژ ئەنتۆنی بلینکن وەزیرێ دەرڤە یێ ئەمریکا و سێرگی لاڤرۆڤ وەزیرێ دەرڤە یێ روسیا ئامادەی لوتکەیێ بوون.
ل گورەی رۆپەلێ حورە یێ ئەمریکی، بایدن و پوتین دەربارەی دۆسیێن سەقامگێریا ئەتومی و داهاتیێ لهەڤهاتنا New Start ل دەربارەی سنوردارکرنا چەکێ ئەتومی کو ل ٢٠٢٦ێ دێ ب داوی هێت دێ گۆتۆبێژکەن.
پێشبینی دهێتە کرن چەندین لهەڤهاتن و پەیماننامەیێن دیێن جودا دەربارەی سنوردارکرنا چەکێ ئەتۆمی ئیمزا بکەن.
ژ ئالیەکێ دی، هەردوو سەرۆک دەربارەی هێرشێن ئەلیکترۆنی و ب داوی ئینانا روسیا ژ بخۆڤە گرتنا گروپێن مافیا دێ گۆتۆبێژبکەن.
ل گورەی رۆپەلێ دەنگێ گشتیێ ئەمریکا ئێن بی ئاڕ جۆبایدن سەرۆکێ ئەمریکا دەربارەی مەترسیێن ئەمریکا ژ رەفتارێن روسیا و بێدەنگکرنا ئۆپۆزسیۆنێن ناڤخۆیا وی وەلاتی دگەلدا گۆتۆبێژکەن. د هەمبەر ژیدا ڤیلادیمێر پوتین سەرۆکێ روسیا دەربارەی هندەک رەفتارێن ئیدارەیا ئەمریکا ل ئەوروپا و رۆژهەلاتا ناڤەراست دئێخیتە ل پێشیا بایدنی کو روسیا وی وەلاتی پێ توهمەتباردکەت.
بەریا نها جۆ بایدن، ڤیلادیمێر پوتین ب "بکوژ" وەسفکریە و ل رۆژا دووشەمبێ د کونفڕاسەکێ رۆژنامەڤانی دا دووبارە کر و گوتژی، "کەسەکێ زیرەک و ئالۆز و ململانکارەکێ ژ هەژیە". ڕاگەهاند ژی، د دیدارا خۆ دا "هێلین سور" بۆ پوتینی دەستنیشاندکەت و داخازا کارێ هەڤبەش ل مۆسکۆ دکەت.
هـ.ئـ