فۆتۆ:
2021-06-15
165 جار خوێندراوەتەوە
رێکخراوا ساخلەمیا جیهانى بەلاڤکر، د حەفتیا حەفتێ دا رێژا توشبوونێ ب کۆرۆنایێ ل جیهانێ دا ب شێوەکێ بەرچاڤ داکەت و ئەڤە ژى نووچەیەکێ دلخۆشکەرە. دیارکر ژى، ل وان دەڤەرێن پێدانا ڤاکسینێ لاواز دەرکەفتنا زنجیرا نوى یا ڤاکسینێ بلندە.
تێدرۆس ئەدهانۆم سەرۆکێ رێکخراوا ساخلەمیا جیهانى ل بارەگایێ رێکخراوێ ل جنێف ڕاگەهاند، ئەڤە ئێکەم جارە ب ڤى ئاوایی ل جیهانێ ب وى دەمێ درێژ ڕێژا توشبۆنێ بەرەڤ کێمبوونێ بچیت.
ئاماژە ب وێ یەکێ کر، کو ڕێژا ژیان ژ دەست دانێ ب کۆرۆنایێ ب هەمان ڕێژا توشبوونێ و ژیان ژدەست دانێ بەردەوامە.
سەرۆکێ رێکخراوا ساخلەمیا جیهانى بەحسا وێیەکێ ژى کر، ئەو دەڤەرێن پارڤەکرن و پێدانا ڤاکسینى تێدا لاوازە، زێدەتر زنجیرا کۆرۆنا یا نوى تێدا بەلاڤدبیت.
هەڤدەم، سوپاسا سەرکردێن کومەلا حەفت کر کو حەفتیا دەربازبووى ٨٧٠ ملیۆن قورچێن ڤاکسینێ بەرنامێ "کۆڤاکس" بۆ هاریکاریکرنا وەلاتێن هەژار.
ژئالیەکێ دى ڤە، رۆژناما وۆل ستریت جۆرنال یا ئەمریکى ئەنجامێن ڤەکولینەکا زانستى بەلاڤکر، کو ڤاکسینێن دژى کۆرۆنایێ کاریگەرى ل پاراستنا مرۆڤی ب توشبوون ب زنجیرا نوى یا ڤایرۆسا کۆرۆنا.
دەربارەى وێیەکێ ژى،عەزیز شێخ ڕێڤەبەرێ پەیمانگەها ئۆشەر بۆ نۆژداریێ ل زانکۆیا ئەدنبرە کو ب خۆ ئێکە ژ ئامادەکەرێن وێ ڤەکولینێ ڕاگەهاند، "هەیا نها ڤاکسین د کاریگەرن ژ بەرهنگاربوونا زنجیرا نوى یا کۆرۆنایێ ب گشتى و ڤایرۆسێ گوهۆرى یێ دەلتا ب تایبەتى".
ئەڤە ددەمەکى دایە، لگورەى ڤەکولینان، دوو قورچ ژ ڤاکسینێ ڤایزەر یێ ئەمریکى – ئەلمانى ب ڕێژا ٧٩% کاریگەرە لهەمبەر کۆرۆنا یا گوهۆرى یا دەلتا کو بۆ ئێکەم جارە ل هندستانێ دەرکەفت و ب رێژا ٩٢% کاریگەرە لهەمبەر کۆرۆنا یا گوهۆرى یا ئەلفا کو ل بەریتانیا دەرکەفت.
لهەمبەردا، دوو قورچ ژ ڤاکسینا ئیسترازینیکا "ڤاکسینا ئۆکسفۆرد" ب ڕێژا ٧٣% کاریگەرە لهەمبەرى کۆرۆنا گوهۆرى یا ئەلفا و ٦٠% کاریگەرە لهەمبەر کۆرۆنا گوهۆرى یا دەلتا.
د.ش