فۆتۆ:
2021-06-14
304 جار خوێندراوەتەوە
سەرۆکێ دەستەیا حەج و عومرەیا عێراقێ ڕاگەهاند، د بزاڤان دانە ژبۆ کو سعودیە رێکێ بدەت، بەشەک ژ وان کەسێن ناڤێ وان ژ تیروپشکێ دەرکەفتیە بەشداریێ د مەراسیما حەجا ئەڤسالە دا بکەن، د حالەتێ ڕژدبوونا سعودیە ژى دا لسەر بڕیارا خۆ ب بەشداری نەکرنا وان، ئەڤجا ئەوێن ناڤێ وان هاتین سالا داهاتى دێ بەشداریێ د حەجێ دا کەن.
سامى مەسعودى، سەرۆکێ دەستەیا حەج و عومرەیا عێراقێ ب ئاژانسا فەرمی یا عێراقێ ڕاگەهاند، "سعودیە دەرگەهـ ل بەردەم هەمى وەلاتان داخست و فەریزا حەجا ئەڤسالە بتنێ بۆ ٦٠ هزار کەسان د ناڤخۆیا سعودیێ دا دێ ڤەکرى بیت، ژبەر وێ بڕیارەکا شاهانییە و سعودیە ژى داخازا لێبوورینێ ژ هەمى وەلاتان کریە".
دیارکر ژى، بەردەوام د پەیوەندیێ دانە دگەل وەزارەتنا حەج و عومرەیا سعودیە، "ژبۆ کو بەشەک ژ وان عێراقیان فەریزا خۆ ئەنجام بدەن یێن کو ناڤێ وان د تیروپشکێ دا هاتین".
ئاماژە ب وێیەکێ ژى کر، " ئەو کەسێن ئەڤ سالە مافێ حەج کرنێ هەبوو، ئەو دێ ل سالا داهاتى دا فەریزا خۆ ئەنجام دەن".
ل ١٢ى ڤێ مەهێ دا وەزارەتا حەج و عومرەیا سعودیە هژمارا حاجیێن ئەڤ سالە ژى ب ٦٠ هزار کەسان دیارکر و راگەهاند، " ئەڤ سالە ژى بسەدەما کۆرۆنایێ رێک ب حاجیێن ژدەرڤەى سعودیە ناهێت دان حەجێ بکەن".
وەزارەتا حەج و عومرێ ڕاگەهاند، ئەڤسالە دێ رێک ب ٦٠ هزار کەسان هێتە دان بەشداریێ د رێورەسما حەجێ دا بکەن و مافێ ئەنجامدانا حەجێ بتنێ بۆ حاجیێن خەلکێ سعودیە و ئەوێن ئاکنجیێن وى وەلاتى بتنێ ماف هەیە. دبێژیت ژى، ئەوێ کو نیازا حەجکرنێ هەی دڤێت هەلگرێ چ نەخۆشیان نەبیت و ژیێ وى دناڤبەرا ١٨ بۆ ٦٥ سالان دا بییت.
د.ش