فۆتۆ:
2021-06-13
204 جار خوێندراوەتەوە
پەرلەمانێ ئیسرایل میکی لیفی کو ب (رەگەز کوردە) و سەرۆکێ پارتا یەش عەتیدە، ب ٦٧ دەنگان وەک سەرۆکی نویێ پەرلەمانێ ئیسرائیل هاتە هەلبژارتن.
ئەڤرۆ ئێڤاری پەرلەمانێ ئیسرائیل (کنێست)، میکی لیفی یێ ٦٩ سالی سەرۆکێ حزبا یەش عەتیدە، بۆ سەرۆکێ پەرلەمانی هەلبژارت، ژ سەرجەمێ ١٢٠ پەرلەمانتاران ٦٧ پەرلەمانتاران دەنگ ب لیفی دایە کو ژ سالا ٢٠١٣ێ وەرە ئەندامێ کنێستا ئیسرائیلە.
ئەوا جهێ سەرنجێ یە ل دەڤ لیفی باوەری ب هەبوونا هەردوو دەولەتێن ئیسرائیل – فەلەستین هەیە و ئەڤە ژ ی بوویە جهێ هیڤیەکێ لدەڤ فەلەستینیان.
لیفی؛ د بنیاتدا کوردە و باب و باپیرێن وی خەلکێ جزیرا باکورێ کوردستانێ نە لێ چووینە ئیسرائیل، ئەو بخۆ ژ دایکبوویێ باژێرێ ئۆرشەلیمێ یە.
لیفی ل سالا ١٩٥١ ژ دایکبوویە و بەکالۆریۆس ب زانستێن سیاسی هەیە، ل هێزا بەڕەڤانیا ئیسرائیل کارکریە و دەمەکی ژی وەک پەیڤدارێ کنێستا ئیسرائیلێ کار کریە، ل سالا ٢٠١٣-٢٠١٤ جێگرێ وەزیرێ دارایی بوویە.
هەر ئەڤشەڤە پەرلەمانێ ئیسرائیل دەنگ لسەر پێکئینانا حکومەتەکا هەڤپەیمان دا.
حکومەتا نویا ئیسرائیل ب هەڤبەشی دناڤبەرا یائییر لابید، سەرۆکێ پارتا یەش ئاتید و نافتالی بێنیت سەرۆکێ پارتا یەمینا هاتە پێکئینان، ب ڤێ ژی حکومەت و حکومڕانیا ناتانیاهۆی سەرۆک وەزیرێ بەرێ یێ ئیسرائیل، کو درێژترین دەمێ سەرۆکایەتێ هەبوویە، پشتی ١٢ سالان داوی پێهات.
میدیایێن ئیسرائیل ڕاگەهاندیە، حکومەتا بهێت یا وەلاتێ وان ب دێ یا بهەڤبەشی بیت و دوو سالان یائییر لابید و دوو سالێن دیژی نافتالی بێنیت دێ سەرۆک وەزیر بن.
م.م
