فۆتۆ:
2021-06-12
166 جار خوێندراوەتەوە
لگورەی راپرسیەکا ناڤەندا (یۆن ئەلیم) یا ڤەکولینان دەرکەفتیە، پێگەهێ جەماوەریێ رەجەب تەیب ئەردۆغان و حزبا وی برەنگەکێ بەرچاڤ داکەتیە و د هەلبژارتنێن بهێت یێن تورکیا دا دێ رێژا دەنگادانا وان کێم بیت.
دراپرسیێ دا هاتیە، هەڤپەیمانێن (کۆماری) کو هەرئێک ژ پارتا داد و گەشەپێدانا حزبا دەستهەلاتدارا تورکیا و بزاڤا نەتەوەپەرستیا تورکیا پێکهاتیە، بسەدەما وان قەریرانێن بەرۆکێ وەلاتێ وان گرتیە و دناڤداژی قەیرانا دارایی، دێ رێژەکا مەزن یا دەنگان ژ دەستدەن.
راپرسیێ، بەلاڤکرنا کلیپ و ڤیدیۆیان ژ ئالیێ مەزنێ مافیایێن تورکیا سەدات پەیکەری ڤە، کو لگورەی لێدوانەکا پەیکەری، زنجیرەکا "تاوان و کارێن هەتکبەر" یێن سەرۆکێ وی وەلاتی و هژمارەکا سەرکردێن بلندیێن تورکیا ئاشکەرا کرینە، ئێک ژ سەدەمێن دییێن سەرەکی نە کو کاریگەریا راستەوخۆ لسەر رێژا دەنگدانا هەڤپەیمانیا دناڤبەرا پارتی داد و گەشەپێدان و بزاڤا نەتەوەپەرستیا تورکیا هەیە.
لگورەی داتایێن راپرسیێ، ب رەنگەکێ گشتی جێوازیا دناڤبەرا هەڤپەیمانیا (کۆماری) حوکمڕان و هەڤپەیمانیا (میللەت)ی ئۆپۆزسیۆن کو ژ هژمارەکا حزبێن ئۆپۆزسیۆن پێکهاتیە و دناڤدا ژی پارتا گەلێ کۆماری و پارتا بەخشین بخۆڤەدگریت، بتنێ ئێک خالە.
لگورەی راپرسیێ، هەڤپەیمانیا (کۆماری) رێژا ٣٨,١% ژ دەنگدانێ بدەستڤە ئینایە، د هەمبەر ژیدا هەڤپەیمانیا (میللەت) کو مەزنترین هەڤپەیمانیا ئۆپۆزسیۆنا وی وەلاتیە رێژا ٣٧,٣ یا دەنگدانا راپرسیێ بدەستڤە ئینایە، پارتی دیموکراتی گەلان (هەدەپە) کو تاکە حزبا کوردیا ئۆپۆزسیۆنە و پشکداریا چ هەڤپەیمانیان نەکریە، رێژا ١٣,٢% یا دەنگدانێ بدەستڤە ئینایە، دگەل وێیەکێ ژیدا، رێژا ٧,١% دەنگدەر دێ پشکداریا هەلبژارتنان کەن و رێژا ٤,٣% ژ پشکداران ژی رەتکریە کو پشکداریێ دهەلبژارتنان دا بکەن.
لگورەی ئەنجامێ راپرسیێ، هەڤپەیمانیا رەجەب تەیب ئەردۆغان کو حزبا دەستهەلاتداریا تورکیایە دێ رێژا ٣٨,١% دەنگان بدەستڤەئینیت، د دەمەکی دا رێژا ٤٢,٢% یا پشکداران دەنگ ب حزبێن ئۆپۆزسیۆن دایە.
زێدەبری ڤێ یەکێ ژی، رێژا ٧٥% یا پشکداران د وێ باوەرێدابوون کو رەوشا تورکیا هەڤبەر دگەل سالا دەربازبووی خاپتر بوویە و ٥٠% یا پشکداران ژی د وێ باوەرێدابوون کو رەوشا تورکیا ل سالا بهێت دێ خراپتر بیت.
رۆژا ١٧ی ئادارا ئەڤسالە، داواکارێ گشتیێ تورکیا دوسیەک ب ئارمانجا داخستنا پارتی دیموکراتی گەلان (هەدەپە) رەوانەی دادگەها بلند یا دەستوری ل تورکیا کر و نێزیکی دوو سالایە ژی سەلاحەدین دەمیرتاش هەڤسەرۆکێ بەرێ یێ هەدەپێ و دەهان سەرکردە و پەرلەمانتارێن وێ حزبێ ب توهمەتا بانگەوازیا تیرۆرێ و پشتەڤانی ل پەکەکێ دەستەسەرکرینە.
بڕیارە د سالا ٢٠٢٣ێ دا، هەلبژارتنێن گشتی ل تورکیا بڕێڤەبچن، هندەک ژ چاڤدێرانژی د وێ باوەرێدانە کو هەلبژارتن د وی دەمی دا ناهێنە ئەنجام دان و دێ هێنە پاشداخستن، ئەڤە ژی بسەدەما رەوشا سەخت یا ئابوری و ئەو قەیرانێن دیێن بەرهنگاری تورکیا بووین.
م.م