فۆتۆ:
2021-06-11
316 جار خوێندراوەتەوە
ئەڤشەڤە ب یاریا دناڤبەرا تورکیا و ئیتالیا دا دێ یۆرۆ دەستپێکەت و سوبەهیژی سێ یاریێن دی دێ هێنە ئەنجام دان.
د گەڕا ئێکێ یا قۆناغا کۆمەلێن جاما نەتەوەیێن ئەوروپا دا بۆ سالا ٢٠٢٠ێ، کو بسەدەما ڤایرۆسێ کۆرۆنایێ بۆ ئەڤ سالە هاتبوونە پاشداخست، ئەڤشەڤە د کۆمەلا ئێکێ دا، هەردوو هەلبژارتیێن تورکیا و ئیتالیا دێ یاریێ ئەنجام دەن.
یاری ل دەمژمێر ١٠ی شەڤێ ل یاریگەها ئۆلیمپیکۆ ل ڕۆمایا پایتەختێ ئیتالیا دێ بڕێڤەچیت.
سوبەهی ژی سێ یاریێن دی یێن هەمان گەڕ دێ بڕێڤەچن، دەمژمێر چاری پشتی نیڤرۆ، هەلبژارتیێ وێلز ل یاریگەها باکۆ ل ئازەربیجان، بەرامبەر هەلبژارتیێ سویسرا دێ یارێ کەت و دەمژمێر حەفتی ئێڤاری، دانیمارک و فنلەندا ل یاریگەها پارکن ستادیۆن لە کۆپنهاگنا پایتەختێ دانیمارک دێ یاریێ ئەنجام دەن.
ل دەمژمێر ١٠ی شەڤێ ژی، هەلبژارتیێ بەلجیکا خۆدانا پلا سیێ د مۆندیالا ٢٠١٨ێ دا ل باژێرێ سانت پترسبۆرگ ل ڕوسیا، دێ یارێ دگەل هەلبژارتیێ وی وەلاتی ئەنجام دەت.
م.م