فۆتۆ:
2021-06-11
537 جار خوێندراوەتەوە
شازادە هاری و مێگان هەڤژینا وی بڕیاردایە زارۆکێ دوویێ ناڤێ وی بکەنە Lilibet، کو ناسناڤێ شاهژنا نها یا بەریتانیایە، و هندەک ژ میدیایان ژی دیاردکەن، ئەڤێ پێنگاڤێ کوویرکرنا ئاریشەیێن دناڤ مالباتا شانشینا بەریتانیا دا ددانن.
دەربارەی وێیەکێ ژی ڕۆپەلا گاردیانا بەریتانی دیارکریە، شازادە هاری و هەڤژینا وی گۆتۆبێژ دگەل شاهژنا بەریتانیا کریە و هەردووک ژی دبێژن، "شاهژنێ خۆشحالی و دوعایێن سەرکەفتنێ بۆ زارۆکی کرینە دەربارەی ناڤاێ وی".
جۆننی دایمۆند، نووچەگەهانێ خێزانا شاهانە ل بی بی سی بەحسا وێیەکێ کر، "شاهژنا بەریتانیا تایبەت بناڤێ زارۆکی گۆتۆبێژ نەکرینە"، جۆننی دایمۆند تەکەز ل وێیەکێ کر، کو شازادەی و هەڤژیناوی داخازا مۆلەتێ ژ شاهژنێ نەکریە بۆ ناڤێ زارۆکی چ مۆلەتەک دەربارەی وێیەکێ پێنەدایە.
پەیوەندیێن شازادەی و هەڤژینا وی دگەل خێزانا شاهانەیا بەریتانیا د پرۆگرامەکێ تەلەفزیۆنی دا مێگان بەحسا وێیەکێ کر، بەریا ژ دایکبوونا ئێکەم زارۆکێ وان (ئارچی) دلگرانیێن ئەندامێن خێزانا شاهانە بلندبوون، دەربارەی وێیەکێ کو پیستێ زارۆکی یێ رەش بیت. تەکەز ل وێیەکێ کریە، "خێزانا شاهانەیا بەریتانیا نەشیایە هاریکارا وێ بکەت دەما هەست ب وێیەکێ کری کو پێتڤیە داویێ ب ژیانا خۆ بینیت".
ناسناڤێ Lilibet بۆ ئێکەم جار ل سالێن ١٩٢٠ێدا هاتەبکارئینان دەما کو شازادە ئەلیزابێس د دەستپێکا فێربوونا ئاخفتنێ دا بوو و نەدشیا بسەدەما ژیێ زارۆکینیێ ب دروستی ناڤێ خۆ بئینیت.
شازادە هاری، ژ دایکبوویێ سالا ١٩٨٤ێ یە و دوومین شازادەیێ شانشینا بەریتانیایە، ل گۆلانا سالا ٢٠١٩ێ دگەل مێگان مارکل، ئەکتەرا بەرێ یا ئەمریکی کو ژدەرڤەی مالباتا شاهانەیا بەریتانیایە هەڤژینی پێکئینایە.
مێگان مارکل، ب رەگەز ئەمریکیە و ژ دایکبوویا سالا ١٩٨١ێ یە، چالاکڤانە د بوارێ ژنان و جڤاکی دا و د دەما دەربازبووی دا د چەندین فیلمێن ئەمریکی دا رۆلێ خۆ دیتیە، د نهادا شازادەیا سەسکس یا بەریتانیە و هەڤژینا شازادە هاری-ە.
م.م