فۆتۆ:
2021-06-10
462 جار خوێندراوەتەوە
بڕیارە سوبەهی ٤٧ەمین جڤینا کۆپیتکا G7 بهێتە ئەنجام دان و دناڤبەرا ١١ هەیا ١٣ی ڤێ مەهێ دا دێ یا بەردەوام بیت، کو ژ ئالیێ بەریتانیا ڤە دێ هێتە مێهڤانداری کرن.
ئەو پرسێن د کۆپیتکا G7 دا دێ هێنە بەحس کرن
لگورەی راپۆرتەکا BBC، د چارچوڤێ ئەنجامدانا کۆپیتکا G7 دا "تەڤایا پرسێن جیهانێ" ب رەنگەکێ تایبەت و دوویر ژ چاڤێ کامیران و رایا گشتی دێ هێتە ئەنجام دان، پشتی تەمامبوونا جڤینێن گۆپیتکێ ژی، ب رێکا لژنەیەکێ تەڤایا بڕیارێن کۆمەلا G7 بۆ هەمی ئالیان دێ هێنە ئاشکەراکرن.
بەرهنگاربوونا ڤایرۆسێ کۆرۆنایێ و رێکارێن پێتڤی بۆ رێگریکرن ژ سەرهلدانا ڤایرۆسەکێ دی د پاشەرۆژێ دا، پارڤەکرنا کۆژمێ زێدەتر یێ ڤاکسینی، بەرهنگاربوونا گۆهرینا کەشوهەوای و پاراستنا سروشتێ ئەردی و گەشەپێدان ب بازرگانیا هەڤبەش ئازادی گرنگترین ئەو پرس و بابەتن کو د چارچوڤێ ٤٧ەمین جڤینا کۆپیتکا G7 دا دێ گۆتۆبێژ لسەر هێنەکرن.
کۆمەلا G7 چییە ؟
کۆمەلا حەفت یان G7، پێکهاتیە ژ ئەندامێن حەفت وەلاتێن زلهێز، و پێشکەفتی و خۆدان ئابوورەکێ بهێز د جیهانێ دا، هەر ئێک ژ بەریتانیا، ئەمریکا، یابان، کەنەدا، ئەلمانیا، فەڕەنسا و ئیتاڵیا پێکهاتیە، د سالا ١٩٧٦ێدا هاتیە دامەزراندن و د دەستپێکێ دا ناڤێ وێ 6G بۆ ئانکو کۆمەلا شەش بوو، پشتی وێیەکێ ب پشکداریا کەنەدا ناڤێ وێ کرە G7 کومەلا حەفت.
هەمی سالان وەلات ل سەرانسەری جیهانێ دهێنە گازیکرن بۆ وێیەکێ وەک میهڤان د جڤینێ دا پشکداربن، د ئەڤسالە ژیدا وەک سەرۆکێ جڤینێ بۆریس جۆنس سەرکردەیێ وەلاتێن ئوستورالیا، هندستان، کۆریا باشور و ئەفریقا هاتیە گازیکرن بۆ جڤینا گۆپیتکا G7، نێزیکی ١١ کەسان ژ وان سەرۆکێن جیهانێ ژی نوینەرایەتیا زێدەتر ژ ٦٠% و (زێدەتر ژ ٢.٢ ملیار کەسان) دکەن د وەلاتێت پێشکەفتیێن جیهانێ دا.
د چاچوڤێ جڤینێ دا، حەفت پرۆگرامێن حکومی یێن نوی کو دبوارێ ئابووری، ژینگەهـ، ساخلەمی، بازرگانی، تەکنۆلۆژیا، پێشکەفتن و پرسێن سیاسی یێن دەرەکی بخۆڤە دگریت و دهێتە پێکئینان، دگەل وێژی شەش گرۆپێن هەڤبەش سەر بG7 دێ هێنە دروستکرن ب مەرەما پێدانا راوێژا لسەر پرسێن گەنجان، ژنان، زانست، کۆمەلگەها جڤاکی، کار و کرێکار، ب وان حەفت پرۆگرامێن لسەری.
کی دێ پشکداریێ د کۆپیتکا G7 کەت ؟
د جڤینا گۆپیتکا G7 دا ئەڤسالە، بڕیارە هەر ئێک ژ جۆ بایدن سەرۆکی ئەمریکا، ئەنگێلا مێرکڵ شێورمەندا ئەلمانیا، یۆشهیدی سوگا سەرۆک وەزیرێن یابان، جەستن ترۆدۆ سەرۆک وەزیرێن کەنەدا، ماریۆ دراگی سەرۆک وەزیرێن ئیتاڵیا دێ پشکداریێ د گۆپتکێ داکەن.
ژبەر بەلاڤبوونا ڤایرۆسێ کۆرۆنایێ و خرابیا رەوشا وەلاتێ هیندستانێ بسەدەما بەلاڤبوونا ڤایرۆسێ کۆرۆنایێ، نارێندرا مۆدی سەرۆک وەزیرێن هیندستانێ سەرەدانا بەریتانیا ناکەت و دێ ب رێکا ئۆنلاین پشکداریا جڤینان کەت.
کەنگی و لکیرێ جڤینا گۆپیتکا G7 دێ بڕێڤەچیت ؟
بڕیارە سوبەهی ئەینی، ٤٧ەمین جڤینا گۆپیتکا G7 ل ئۆتێلا (Carbis Bay) لسەر کەنارێن کۆرنیش ل بەریتانیا بڕێڤەبچیت و ل ١١ی حوزەیرانێ هەیا ١٣ی حوزەیرانێ دێ یا بەردەوام بیت.
بۆ ئێکەم جارژی پشتی دروستبوونا سالا دەربازبووی یسەدەما سەرهلدانا ڤایرۆسێ کۆرۆنایێ ئەنجامدانا گۆپیتکا G7 هاتە پاشداخستن.