فۆتۆ:
2021-06-09
226 جار خوێندراوەتەوە
سەرۆکێ فەڕەنسا دەربارەی لێدانا زلەهێ ژ ئالیێ گەنجەکیڤە ڕاگەهاند، "دێ د کارێ خۆدا بەردەوامبم و چ تشتەک من نا راوەستینیت".
ڕاگەهاند ژی، د وێ باوەرێدایە بوویەرەکا کەسی بوویە و پێتڤی ناکەت سەرنجەکا مەزن بێخنە سەر هەیا وی ئەرکی ژ بیرببەت، کو گرنگترە و پەیوەندی ب ژیانا خەلکیڤە هەیە.
ئیمانوێل ماکرۆن دیارکر ژی، ل فەڕەنسا مافێ دەربڕینا رایا ئازاد و ئازادیا دەنگدانێ و دیموکراتی هەیە، لێ نابیت رێک بهێتەدان رەق و توندوتیژی بەلاڤببیت چ ب ئاخفتن یان ب کریار.
بەحسا وێیەکێ ژی کر، "پشتی زلەهێ بەردەوامبووم ژ ئاخفتنێ دگەل وان کەسێن نێزیکی وی گەنجی وێنە دگەل من دگرتن، دێ د کارێ خۆدا بەردەوامبم و چ تشتەک من نا راوەستینیت".
ئەڤە د دەمەکی دایە، گرتەیەکا ڤیدیۆیی یا ئیمانوێل ماکرنی ل تویتەری بەلاڤبوویە کو تێدا د گەشتەکا ناڤخۆیی یا وەلاتێ وی دا سەرەدانا تاین- هێرمیتەج دکەت.
د گرتەیەیا ڤیدیۆیی دا پشتی کەسەک د چیتە دەستێ سەرۆکێ فەڕەنسا، زلەهەکێ ل ناڤچاڤان ددەت و پشترا پاسەوانێن وی دهەوارێ دچن و وی کەسی دەستەسەردکەن.