فۆتۆ:
2021-06-08
369 جار خوێندراوەتەوە
میدیایێن جیهانى ڕاپورتەکا کەمپینا ناڤدەولەتى بۆ نەهێلانا چەکێ ئەتۆمى بەلاڤکریە، سالا دەربازبووی زێدەبارى بەلاڤبوونا ڤایرۆسا کۆرۆنا د جیهانێدا پتر ژ ئێک ملیار و چار سەد ملیۆن دۆلارێن ئەمریکى دچەکێ ئەتۆمیدا خەرجکرینە.
وێ ڕاپورتێ ئاماژە ب وێیەکێ کر، "زێدەباری کێمبوونا کەلوپەلێن نۆژدارى، نۆژدار و پەرستار پتریا دەمێ خۆ مژیلی چارەسەریا نەخۆشان بوون، لێ نەهـ وەلاتان پارەیێ پێتڤی ب کۆژمێ ٧٢ ملیار دۆلاران هەیە بۆ بدەستڤەئینانا وی چەکێ کۆمەلکوژ".
دیارکر ژى، سالا دەربازبووی سەرجەمێ پتر ژ ئێک ملیار و ٤٠٠ ملیۆن دۆلار د چەکێ ئەتۆمیدا هاتینە مەزاختن.
ئەشکەرا ژى کر، ئەمریکا هەیا نها کوژمێ پتر ژ ٣٧ ملیار دۆلاران مەزاختینە کو ٥%ێ دبیاڤێ سەربازیدا بکارئینایە و چینێ ژى ١٠ ملیار و روسیا ژى هەشت ملیار دۆلار.
بەحسا وێیەکێ ژى کر، د سالا دەربازبوویدا د هەر خولەکەکێدا ١٣٧ هزار دۆلار د چەکێ ئەتۆمی دا مەزاختینە.
دبێژیت ژى، ٢٠ کۆمپانیێن بەرهەمئینانا چەکێ ئەتۆمى دناڤ وان دا ١١ کۆمپانیێن وەلاتێن ئەورۆپى بوون کو بتنێ ٢٧ ملیار دۆلار د گرێبەستێن چەکێ ئەتومیدا بدەست کەفتبوون.
کەمپینا ناڤدەولەتى بۆ نەهێلانا چەکێ ئەتومى ل سالا ٢٠١٧ێ خەلاتێ نۆبل بۆ ئاشتیێ بر و گڤاشتنەکا مەزن ئێخستیە سەر کۆمپانیان ب ڕەنگەکى ژ ئالیێ پێنج ولاتان ڤە پێشنیارا ڕەتکرنا چەکێ ئەتۆمى بدەست ڤەئینایە.
د.ش