فۆتۆ:
2021-06-06
206 جار خوێندراوەتەوە
سەرۆکێ کۆمپانیا سینۆفاک بیوتیکا چینى ڕاگەهاند، حکومەتا چینێ بکارئینانا ڤاکسینا دژى کۆرۆنایێ یا بەهەمئینانا کۆمپانیا سینۆفاک بۆ زارۆکێن سێ هەیا ١٧ سالى پەسەندکرد.
یین ویدونگ سەرۆکێ کۆمپانیا سینۆفاک بیوتکا چینى دچاڤپێکەفتنەکا تەلەفزیۆنیدا بەحسا وێ چەندێ کر، حکومەتا وى وەلاتى ڕازیبوون لسەر بکارئینانا ڤاکسینا دژى کۆرۆنایێ بۆ زارۆکێن ژیێ وان ژ سێ هەیا ١٧ سالى.
دبەشەکا دى یا وێ چاڤپێکەفتنێدا، سەرۆکێ کۆمپانیا سینۆفاک بیوتیک ئاماژە ب وێیەکێ کر، ب پشتبەستن ب ئامادەکاریێن دەسهەلاتا ساخلەمیی ژ ئالیێ ستراتیژیێن ڤاکسینى ڤە، ڤاکسین دێ بۆ زارۆکێن ژیێ وان بچویکتر ژى بەردەست بیت.
یین ویدونگ بەحسا وێ چەندێ ژى کر، دئەنجامێ تاقیگەهێن نۆژدارى دەرکەفتیە، ڤاکسین دبیت سەدەمێ بهێزکرنا سیستەمێ بەرهنگاربوونا لەشێ زارۆکێن ژیێ وان سێ هەیا ١٧سالان.
هەڤدەم، لگۆرەیی ڕاپورتێن نۆژداریی، ڤاکسین ڕادبیت ب بهێزکرنا سیستەمێ بەرهنگاربوونا لەشى لهەمبەر وێ نەخۆشیێ و دێ وەکەت کو لەش گەلەک هەست ب نیشانێن وێ نەخۆشیێ بکەت، تێدا بەشەک ژ پێکهاتێن وێ ڤاکسینى دسیستەمێ بەرهنگاربوونا لەشیدا خرڤەبن و ددەما سەرهلدانا ڤایرۆسى و پەژیکا بەربەلاڤ ئاشکرادکەت و کاریگەریێن وێ ئاشکرادکەن.
پشتى بەلاڤبوونا ڤایرۆسا کۆرۆنایێ ل سالا ٢٠١٩ێ دا ل باژێرێ وهان یێ چینێ، هەیا نها ل جیهانێ ١٧٣ ملیۆن و ٣٣١ هزار کەس تووشی ڤایروسێ بوون، ٧٢٧هزار کەسێن دى ب سەدەما ڤایرۆسێ ژیانا خۆ ژ دەستدانە و ١٥٦ ملیۆن کەس چارەسەربوون.
د.ش.