فۆتۆ:
2021-06-05
339 جار خوێندراوەتەوە
میدیایان ژ زاردەڤێ ڕێڤەبەرێ کۆمەلگەها ڤەکولەرێن ئیرانێ بۆ پێشڤەبرنا کۆڤ ایران بەرەکەت بەلاڤکریە، ل هەر ئێک ژ باژێرێن شیراز و ئەسفەهان و مەشهەد و بوشەهر، دێ دەست ب پێدانا ڤاکیسنێ کۆرۆنایێ کەن بۆ خۆبەخشان، ب ئارمانجا ڤەکولینا کلینیکی و دیارکرنا ئاستێ کاریگەریێ و سلامەتیا ڤاکسینی.
حەسەن جەلیلی ڕێڤەبەرێ کۆمەلگەها ڤەکولەرێن ئیرانێ بۆ پێشڤەبرنا کۆڤ ئیران بەرەکەت ڕاگەهاند، سێیەمین ئەزمونا ڤاکسینێ د چەند رۆژێن بهێت دا و دیارکری ل ١٠ی ڤێ مەهێ دێ دەستپێکەت.
ئاماژە ب وێیەکێ ژیکر، هەشت هزار خۆبەخش ژ هەرئێک ژ باژێرێن شیراز و ئەسفەهان و مەشهەد و بوشەهر دێ ڤاکسینێ وەرگرن.
ئەوژی دیارکر، پشتی وێیەکێ ١٠ هزار قورچێن دی ژ وی ڤاکسینی ب چەند قوناغێن دی دێ بسەر ٥٠٠ خۆبەخشان ل تەهران و بورزدا دێ هێنە پارڤەکرن، کو ژیێ خۆبەخشان دێ دناڤبەرا ١٨ بۆ ٧٥ سالیێ دابیت.
ئەڤە د دەمەکی دایە، د دەستپێکا ئەڤسالەدا ئیرانێ دەست ب گەشەپێدانا ڤاکسینێ کر و ژ ئالیێ عەلی خامەنەیی، رێبەرێ شۆرەشا ئیرانێ بناڤێ، کۆڤ ئیران بەرکەت Cov-Iran Blessing هاتە ناڤکرن.
وەلاتێ ئیرانێ ب ئێک ژ زەرەرمەنترین وەلاتێ رۆژهەلاتا ناڤەڕاست بسەدەما ڤایرۆسێ کۆرۆنایێ دهێتەدانان و هەیا نها ١٢٠ ملیۆن توشبوو و دوو ملیۆن و ٦٦ عزار ژیان ژ دەستدان تێدا هاتینە تۆمارکرن.