فۆتۆ:
2021-06-03
399 جار خوێندراوەتەوە
میدیایان بەلاڤکریە، وەزارەتا کاروبارێن ئاینی ئیندۆنیسیا ڕاگەهاندیە، ژ ترسا بەلاڤبوونا ڤایرۆسێ کۆرۆنایێ ئەنجامدانا فەریزەیا حەجێ هەلوەشاند.
یاقوت خەلیل قوماس وەزیرێ کاروبارێن ئاینی ل ئیندۆنیسیا د لێدوانەکێ دا ڕاگەهاند، سعودیێ گەشتێن فەریزەیا حەجێ راوەستاندینە، ئاماژە ب وێیەکێ ژیکر، نە بتنێ ئیندۆنیسیا بەلکو تەڤایا وەلاتان بانگهێشتنامە نەگەهشتیێ و پشکا وان بوو نەهاتیە دیارکرن و ئەوێن پارەیێ رسوماتێن حەجێ دای، ل سالا بهێت دێ گەشتێ ئەنجامدەن.
هەڤدەم، ئاژانسا نووچەی یا سعودیێ دڤێ حەفتیێ دا لیستا ١١ وەلاتان بەلاڤکریە کو قەدەغەیا گەشتکرنێ ڤەناگریت، لێ دێ گەشتا حەجێ ب پابەندبوونا رێکارێن ساخلەمیێ ئەنجامدەن.
بەریا نهاژی دەستەیا حەج و عومرێ ل یا عێراقێ ڕاگەهاند، سعودیێ بڕیاردایە ٦٠ هزار کەس ئەڤسالە فەریزەیا حەجێ ئەنجام بدەن، لێ هەیا نها چ وەلاتەک دیارنەکریە بۆ ئەنجامدانا فەریزەیێ.
دەستەیا حەج و عومرێ بەحسا وێیەکێ ژیکر، وەلاتێ سعودیێ ڤاکسینا بدژی کۆرۆنایێ کریە مەرجێ سەرەکیێ ئەنجامدانا حەجێ.
ئەڤە د دەمەکی دایە، بسەدەما سەرهلدان و بەلاڤبوونا ڤایرۆسێ کۆرۆنایێ ئەنجامدانا فەریزەیا حەجێ راوەستاندیە، ژبەر ڤێ یەکێ سعودیێ ل سالا دەربازبووی رێک ب وەلاتیێن وەلاتێ خۆدا لێ رێژەیەکا دیارکری و ب رێکارێن خۆپارێزیێ هەردوو مەراسیمێن حەجێ و عومرێ ئەنجام بدەن.