فۆتۆ:
2021-05-30
375 جار خوێندراوەتەوە
وەزیرێ وزەیا ئیرانێ ڕاگەهاند، قەیرانا هشکەسالیێ ل وەلاتی گەهشتیە قوناغەکا مەترسیدار و د هاڤینا ئەڤ سالەدا گەلەک ژ باژارێن مەزن هەیا بتنێ بۆ ئاڤ ڤەخارنێ ژی دێ رووبروویێ کێم ئاڤیێ بن.
رەزا ئەردکانیان وەزیرێ وزەیا ئیرانێ ڕاگەهاند، ئەڤ سالە ئیران دێ ئێک ژ هشکترین سال ب خوڤە بینیت د دەما پێنج دەهەیێن دەربازبوویدا.
عیسا کەلانتەر وەزیرێ بەرێ یێ چاندنا ئیرانێ و سەرۆکێ رێکخراوا پاراستنا ژینگەها ئیرانێ ئاشکراکر، سالانە ٢٠ مەترێنن سێجای سامانێ سروشتی ئاڤا ژێر عەردی ب ڕەنگەکێ زێدە دێ بکارهێت و ئەڤە ژی ب واتایا تالانکرنا ژێدەرێن ئاڤێ دهێت.
دبێژیت ژی، بێ بارانیێ پەیوەندی ب گوهۆرینا سەقای و گەرمبوونا عەردی ڤە هەیە و هەر وەسا بکارئینانا نەدروست د ژێدەرێن ئاڤا ژێر عەردی و ژ ئەنجاما سیاسەتا خەلەت بکارئینانا حکومەتێ، وەکریە ئیران توشی قەیرانا هشکەسالیێ ببیت کو سال بۆ سالێ بەرەڤ خرابتربوونێ ڤە دچیت.
عیسا کەلانتەری وەزیرێ بەرێ یێ چاندنا ئیرانێ بەحسا وێیەکێ ژی کر، شەڕێ ئاڤێ دنها دا دەستپێکریە و سروشتێ وەلاتی ژی بوویە قوربانیێ سیاسەتا خەلەتا بەرپرسان، د نهادا دڤێت بەرسڤا ئەڤی نفشێ خۆپەرست بدەت.
ل گۆرەی لهەڤهاتنا سالا ١٩٩٧ێ یا رێکخراوا نەتەوەیێن هەڤگرتی، وەلاتێن ئەندام سوز داینە هەیا ٤٠%ێ ژێدەرێن ئاڤی یێن بن عەردی بکاربینن، لێ بۆ دەما چەند سالانە ئیران لسەر بکارئینانا وان ژێدەران گەهشتیە ١٠٠%ێ.
و.ح