فۆتۆ:
2021-05-27
411 جار خوێندراوەتەوە
رێکخراوا هیومان رایتس وۆچ داخاز ژ هەر ئێک ژ حکومەتێن فنلەندا و نەرویج و سوید کر ١٦٤ وەلاتیان ل کەمپا هولێ ل باکورێ رۆژهەلاتا سوریا ڤەگەڕینن بۆ وەلاتێ وان کو دناڤبەرا واندا ١١٤ زارۆک یێن هەین.
رێکخراوا هیومان رایتس وۆچ د ڕاگەهاندنەکێ دا ئاشکرا کر، پەیامەکێ ئاراستەی وەلاتێن ئەسکەندەنافیا کریە ب ئاوایەکێ بلەز دەست بکەن ب ڤەگەراندنا وەلاتیان کو ب نە یاسایی ل کەمپا ئاوارێن هولێ نە و هەرەشە لسەر ژیانا وان یا هەی.
ئەو یەک ژی بەئچاڤکر، ١٦٤ وەلاتێن دانیمارکی و فنلەندی و نەرویجی و سویدی د کەمپێدانە کو دناڤا واندا ١١٤ زارۆک یێن هەین.
ل گورەی راپورتا هیومان رایتس وۆچ د نهادا ٣٠ وەلاتیێن دانیمارکی و ٢٢ فنلەندی و ٣٧ نەرویجی و ٦٥ بۆ ٧٥ سویدی ل کەمپا هولێ دا ئاوارانە کو دناڤ وێ ژمارەیێ ژی ٣٦ ژن و ١١٤ زارۆک یێن هەین. بتنێ وەلاتێ دانیمارک ژ ١٨ێ ڕاگەهاند، ب نیازە سێ دایکا دگەل ١٤ زارۆکێن وان ڤەگەریننە وەلاتێ وان بێی دەما ڤەگەریانێ دیار بکەن.
بەری نها، وەلاتێن ئەسکەندەنافیا ٢٥ زەلام و شەش ژن و ٢٢ زارۆک ل کەمپا هولێ بۆ وەلاتێ وان ڤەگەراندن.
کەمپا هولێ دکەڤیتە رۆژهەلاتێ پارێزگەها حەسەکە ل باکورێ رۆژهەلاتا سوریا و نێزیکی ٦٠ هزار ئاوارەیێن داعشێن سوری و عێراقی و ناڤدەولەتی ژن و زارۆک تێدا دژین و ژ ئالیێ ئیدارەیا خۆسەر یا باکور و رۆژهەلاتێ سوریا و هێزێن سوریا دیموکرات "هەسەدە" ڤە چاڤدێری و سەرپەرشتی دهیتە کرن.
هـ.ر