فۆتۆ:
2021-05-27
1399 جار خوێندراوەتەوە
رۆژنامەیا ئۆرشەلیم پوست یا ئیسرائیلی بەلاڤکریە، ڤایرۆسێ کۆرۆنایێ ل وی وەلاتی داوی پێ هاتیە، سەرەرای وێیەکێ کو د رۆژێن دەربازبووی دا، رۆژانە کێمتر ژ ٣٠ توشبوون ل سەراەنسەری وەلاتی دهاتنە تومارکرن، ئەڤە ژی بهەڤبەرکرن ب دەمێ دەربازبووی کو رۆژانە ب هزاران وەلاتی توشی ڤایرۆسی دبوون.
پشتی ١٥ مەهان ژ گرتنە بەرا ئێکەم دائێخستنا و کەرەنتینەیا گشتی و جێبەجێکرنا قەدەغەیا هاتن و چوونا سەرتاسەری، ژ دوهی رۆژا سێ شەمبێ تەڤایا رێکارێن خۆ پارێزیێ ل جهێن گشتی و هۆلێن هونەری و هەلکەفتان و وەرزشی و جهێن گەشتیاری ل ئیسرائیلێ هاتنە راکرن.
درۆر مفوار پرۆفیسۆر ل نەخۆشیێن دهێنە ڤەگوهاستن ڕاگەهاند، "پێتڤیە ب هویری هایداری وێیەکێ بین چ د جیهانێ دا دروستدبیت و چاڤدێریا بالەفڕخانەیێن خۆ بکەین".
گابریل ئیزبیکی ڕێڤەبەرێ پەیماگەها نەخوشیێن سینگی لسەنتەری نوژداریێ تسدیک ئاماژە ب وێیەکێ دایە، "زەحمەتە بکارین پێشبینیا چەوانیا بەرەڤ پێش چوونا رەوشا ڤایرۆسی بکەین د پاشەرۆژ١ێ دا ددەمەکیدا بەردەوام ڤایرۆس خۆ بۆ هندەک رەنگێن دی د گۆهریت".
ئەڤە ددەمەکیدایە، ئیسرائیل ئێکە ژ وان وەلاتێن بلەزترین هەوا بکارئینانا دەرزیا دژی ڤاکسینێ کۆرۆنایێ تێدا ب ڕێڤە چووی کو د نها دا ٦٠% ئاکنجیێن وەلاتیێن وی وەلاتی ڤاکسین وەرگرتیە.