فۆتۆ:
2021-05-26
398 جار خوێندراوەتەوە
پۆلیسێن دەڤەرا سان جۆسی سەر ب ویلایەتا کالیفۆرنیایا ئەمریکا ڕاگەهاند، د ویستگەهەکا ڤەگوهاستنا گشتیدا ب سەدەما دەستڕێژیا گولەیان، هەشت کەس هاتنە کوشتن و تەقەکەر ژی ل رێزێن کوشتیادایە.
ئەڤرۆ چارشەمبێ، د بویەرەکا تەقەکرنێ دا ل ویستگەهەکا ڤەگوهاستنا گشتی دا ل دەڤەرا سان جۆسییا سەر ب ویلایەتا کالیفۆڕنیایا ئەمریکا ڤە، هەشت کەس هاتنە کوشتن و هەژمارەکا دی ژی برینداربوون.
بویەرا تەقەکرنێ ل ئەمریکا سالانە چەندین جاران دووبارە دبیتەڤە و ب وێ سەدەمێ ژی قوربانی و برینداران لدیڤ خۆ دهێلیت، حکومەتا وی وەلاتی ژی برێکا دەرخستنا یاسایێن تایبەت ب رێگریکرنێ لسەر بکارئینانان و کڕین و فڕۆتنا چەکی و هەلمەتێن دەستبەسرداگرتنا چەکی، بزاڤێن بنبڕکرنا وی حالەتی داینە.
و.ح