فۆتۆ:
2021-05-25
400 جار خوێندراوەتەوە
کۆشکا سپی ڕاگەهاند، د مەها بهێت دا ل باژێرێ ژنێف ل وەلاتێ سویسرا، هەر ئێک ژ سەرۆکێ ئەمریکا و سەرۆکێ روسیا دێ جڤیێن.
کۆشکا سپی د ڕاگەهاندنەکێ دا بەحسا وێیەکێ کر، ل رۆژا ١٦ی مەها بهێت، هەر ئێک ژ جۆ بایدن سەرۆکێ ئەمریکا و ڤلادمێر پوتین سەرۆکێ روسیا ل باژێرێ ژنێف ل وەلاتێ سویسرا دێ جڤیێن و دێ بەحسا چەندین "پرسێن هەستیارێن" دناڤبەرا وان دا کەن.
لگورەی ڕاگەهاندنا کۆشکا سپی، بایدن و پوتین د جڤیناخۆدا دێ چەندین "پرسێن هەستیار" یێن دناڤبەرا هەردوو وەلاتان دا بەحس کەن، دێ پێشبینیان و سەقامگیریێ و پەیوەندیێن دناڤبەرا روسیا و ئەمریکا دا گۆتوبێژکەن.
دەمەکە ئامادەکاری بۆ جڤینێ دهێنەکرن و ڤێ حەفتیێ جەیک سولیڤان شێورمەندێ بلندێ ئاسایشا نیشتمانی یا ئەمریکا و پاتریشیو شێورمەندێ ئاسایشا روسیا جڤیان.
پەیوەندیێن ئەمریکا و روسیا، بۆ دەمێ چەند سالانە نە سەقامگیری ب خوڤە دیتیە، کو تێدا ئەمریکا ب هێرشێن ئەلیکترۆنی بۆ سەر سازیێن فەرمی و دەستێوەردان د هەلبژارتنێن روسیا دا دهێتە توهمەتبارانکرن و روسیا ژی د سەپاندنا سزای و دورپێچێن ئابوری بسەردا ژ ئالیێ ئەمریکا نەرازیبوونا خۆ دەردبریت.
م.م