فۆتۆ:
2021-05-23
279 جار خوێندراوەتەوە
د نویترین دیتنا شوێنەواریدا ل پەرستگەها 'حەیدەر پاشا'یێ مێژووی ل ئیستەنبۆلێ، شوێنەوارەکێ مێژوویێ دەڤەرەکا ئاکنجیبوونێ هاتیە دیتن کو مێژوویا وی ڤەدگەریت بۆ دوو هزار و ٤٠٠ سالان بەریا زاینی، ل گۆرەی گوتنا شارەزایێن شوێنەواری؛ ئەو شوێنەوارە پەرستگەهەکە یان مۆنۆمێنتەکا سەردەمێ کەڤنە.
دەربارەی شوێنەواری ژی، محەمەد پۆلات سەرۆکێ تیما لێگەریان و پشکنینێن شوێنەواری یێ ویستگەها حەیدر پاشا بەحسا وێیەکێ ژی کر، ئەو شوینەوارە ڤەدگەریت بۆ سەردەمێ 'هێلینیستیک' و ل دەمێ لێگەریان و پشکنینێ تیمێن هەردوو وەزارتێن ڤەگوهاستن و گەشتیاریدا هاتیە دیتن.
سەرۆکێ تیما شوێنەواری ئاماژە ب وێیەکێ ژی کر، شوێنەوار دەڤەرەکا بەرفرەهـ ڤەدگریت، بڕەنگەکێ پێتڤیە لێگەریان پشکنین لسەر ٣٥٠ هزار مەترێن چارگوشە ل دەڤەرێ بهێتە کرن، ژبەرکو ل گۆرەی پێشبینیان رووبەرەکێ زێدە ڤەدگریت.
محەمەد عەلی بەحسا وێیەکێ ژی کریە، ئەو دەڤەرە پێکهاتیە ژ مۆنۆمێنتەکێ کو ب بکەڤنترین ئاڤاهیێ وی جهی دهێتە دانان و گەلەک ژ وان پیکهات و ماددەین تێدا هاتینە بکارئینان مێژووا وان ڤەدگەریت بۆ سێ تا چار هزار سالان بەریا زاینی. هەڤدەم، ژمارەیەکا پارچە و دراڤێن ئاسنی کو مێژووا وان بۆ سەردەمێ سی و چارێن زاینی ڤەدگەریت.
و.ح