فۆتۆ:
2021-05-22
231 جار خوێندراوەتەوە
سەرۆکێ ئەمریکا ڕاگەهاند، هەبوونا دوو وەلاتان تاکە چارەسەریا ئاریشە و ململانێ یێن دناڤبەرا ئیسرائیلێ و فەلەستینێ دایە.
جۆ بایدن سەرۆکێ ئەمریکا د کۆنفرانسەکێ رۆژنامەڤانی دا بەحسا وێیەکێ کر، چارەسەریا ئاریشە و ململانێ یێن دناڤبەرا ئیسرائیلێ و فەلەستینێ دا پرسا (دوو وەلاتان)ە و وێ ب تاکە چارەسەری ددانیت.
جۆ بایدن ئەوژی دیارکر، داخاز ژ کۆمەلگەها ناڤدەولەتی کریە بۆ بنیات دانانا غەززە، هاریکار و هەماهەنگبن.
تەکەز ل وێیەکێ ژیکر، ئەمریکا پابەندە ب ئاسایشا ئیسرائیلێ ڤە و دبێژیت، "پێتڤیە وەلاتێن دەڤەرێ دان ب مافێ هەبوونا ئیسرائیلێ دابنن".
پشتی ١١ رۆژا ژ شەڕ و ئالۆزیێن دناڤبەرا ئیسرائیلێ و فەلەستینێ دا، شەڤا ٢٠ی ڤێ مەهێ، جڤاتا ئاسایشا ئیسرائیلێ لسەر ڕاگەهاندنا ئاگربەستێ دگەل فەلەستینێ رازی بوو و حەماس ژی رازیبوونا خۆ لسەر ئاگربەستێ دەربڕی.
لگورەی ئاماران، د شەڕێ دناڤبەرا ئیسرائیلێ و فەلەستینێ دا، ٢٣٢ فەلەستینیان ژیانا خۆ ژدەستدایە و زێدەتر ژ هزار و ٩٠٠ کەسان برینداربووینە، هەڤدەم، ١٢ ئیسرائیلییان ژیانا خۆ ژدەستدایە و ٣٠٠ کەس ژی برینداربووینە.
م.م