فۆتۆ:
2021-05-22
440 جار خوێندراوەتەوە
رۆپەلا سی ئێن ئێن بەلاڤکریە، دۆنالد ترەمپ سەرۆکێ بەرێ یێ ئەمریکا، پشتی تەمامبوونا خولا سەرۆکایەتی یا سالانە ١٥٠ هزار دۆلارا دێ وەرگریت، دبیت ژی ئەو پارە بۆ دانا قەرێن کارمەندان بیت کو دگەل کارکریە ل دەما سەرۆکایەتیێ دا.
رۆپەلا سی ئێن ئێنا بەلاڤکریە، دۆنالد ترەمپ پشتی تەمامبوونا خولا سەرۆکایەتیا مەهانە ب هزاران دۆلاران دێ مفادار بیت، کو ئەو پارەیێ پشتی شەش مەها ژ تەمامبوونا دەما سەرۆکایەتیا وی بۆ دانا قەرێن ئۆفیس و موچە و شایستەیێن دارایی یێن فەرمانبەران و چاپکرن و پۆستەیدا دێ هێتە خەرج کرن.
ئەو یەک ژی بەرچاڤکر، ترەمپ قەرێن زۆر یێن فەرمانبەران لسەر کومبوونە، کو ب تنێ قەرێ مایک پێنس یێ جێگرێ وی تا کو سالا داهاتی دگەهیتە ئێک ملیۆن و ٢٦ هزار دۆلارێن ئەمریکی.
بەحس ژ وێ یەکێ ژی کریە، دبیت ژی رێژەکا زۆر ژ قەرێن فەرمانبەران بدەتن ب تایبەت فەرمانبەرێن مالا ل فلۆریدا و تیما گۆلف ل نیوجێرسی.
ئاشکراکریە ژی، ئەو کەسێن بەری نها دگەل ترەمپ کار کری وەکی رێڤەبەرێ پەیوەندیان و چەند راوێژکاران جیاوازی د موچەیێ واندا یێ هەی، ب جۆرەکێ دوو جارا کێمتر نها و ئەو کەس ژی پێتڤیە پارێن وان بۆ بهێنە ڤەگەراندن.
ڕاگەهاندیە ژی، سەرۆکێن بەرێ یێن ئەمریکا پارەیەکێ ئێگجار زۆر بۆ نڤیسینگەهێن پشتی تەمامبوونا سەرۆکایەتیێ پێهێتە دان، بۆ نمونە بیل کلینتۆن، سەرۆکێ بەرێ یێ ئەمریکا، پشتی تەمامبوونا دەما سەرۆکایەتیێ زێدەتر ژ ٣٤٦ هزار و ١٢٨ دۆلار سالانە بۆ ئۆفیسا خۆ خەرج دکر.
لێ بۆ ترەمپ، دبیت ئەو پارە کێمتربیت، ژ سەدەما وێ ئەو ئوفیس و یەکەیێن نیشتەجێبوونا تایبەت ب خۆ یا هەی، لێ فەرمانبەرێن زێدەتر یێن هەین.
هـ.ر