فۆتۆ:
2021-05-21
540 جار خوێندراوەتەوە
وەزیرێ بەرەڤانیا تورکیا ڕاگەهاند، هێزێن وان ب تەمامی پێگیری شت یاسایێن ناڤدەولەتینە ل وێ ئۆپەراسیۆنا سەربازی، کو ل هەرێما کوردستانێ دژی (پەکەکە) ئەنجام ددەن.
خەلوسی ئاکار وەزیرێ بەرەڤانیا تورکیا ڕاگەهاند، "ل دەستپێکا ئەنجامدانا هەردوو ئۆپەراسیۆنێت هەورە بروسکە و تریشقە تا نها ١٢١ چەکدارێن پەکەکە کوشتینە."
خەلوسی ئاکار بەحس ژ وێ یەکێ ژی کر، "هێزێن مە یێن چەکدار بتنێ ئەندامێن پەکەکە دکەنە ئارمانج و بزاڤێن جددی ددەن بۆ هندێ چ وەلاتی توشی زەرەر و زیانا نەبن."
ل ٢٣ێ نیسانێ، ئارتیشا تورکیا ب بەهانەیا هەبوونا بنکە و بارەگەهێن پارتا کرێکارێن کوردستانێ (پەکەکە) ل چەند ناڤچەیێن هەرێما کوردستانێ دەستپێکریە ب ئۆپەراسیۆنا چنگا بروسکە و چنگا هەورە تریشقە، ب وێ ژی زیان ب ناڤچەیێن سنوری یێن هەرێمێ گەهشتیە.
ل رۆژا ١٩ێ ڤێ مەهێ دا، زوبێر ئایدار ئەندامێ کۆنسەیا رێڤەبەریا کەجەکە ل تاوتوێیا ئێن ئاڕ تی دا گوتی، ئاریشا تورکیا دگەل کوردایە نەک پەکەکە و تورکیا دڤێت وەکی گەلێ ئەرمەنی کوردا کومەلکوژ بکەت، گوتبوو ژی، تورکیا دڤێت ناسنامەیا کوردا ژیببەت پەکەکە ژی ڤێ قەبیلناکەت.
هـ.ر