فۆتۆ:
2021-05-20
333 جار خوێندراوەتەوە
حەسەن رۆحانی سەرۆککۆمارێ ئیرانێ ئەشکەراکر، "ئالیێن بەژداربوویێن گۆتۆبێژێن ڤییەنا لهەڤهاتن لسەر راکرنا هەمی سزایێن سەپاندیێن سەرەکیێن ئیرانێ".
حەسەن رۆحانی ڕاگەهاند ژی، د نهادا دەربارەی هویرکاری و بابەتێن بچویک د گۆتۆبێژانداینە.
ئاماژە ب وێیەکێ ژی کر، "لهەڤهاتن لسەر راکرنا سزایێن سەپاندیێن سەر پەتڕۆل و پترۆکیمیایی و بارهەلگران و بەنکێن ناڤەندی، مە پێنگاڤێن مەزن هاڤێتینە و لهەڤهاتنێن سەرەکی ب داوی هاتینە".
دوهیژی، حەسەن رۆحانی گوت، ئیران بەردەوامە د گۆتۆبێژاندا ل ڤییەنا و تەکەزێ لسەر پاراستنا بەرژەوەندیێن گەلێ ئیرانێ دکەت.
ئەڤە ددەمەکیدایە، ل دەستپێکا مەها نیسانا ئەڤسالە، جڤینێن لژنەیێن هەڤبەش دەربارەی کارپێکرنا تەمامیا نەخشەرێکێن هەڤبەش بەرنامەیێن ئەتومیێن ئیرانێ دەست ب گۆتۆبێژان کرینە ل پێناڤ رزگارکرنا لهەڤهاتنا ئەتومی کو ل سالا ٢٠١٨ێ ئەمریکا و ب سەرۆکاتیا دۆنالد ترەمپی تاک ئالی ژێ ڤەکێشا.