فۆتۆ:
2021-05-13
392 جار خوێندراوەتەوە
د ئێکەم رۆژا جەژنا ڕەمەزانێ دا خوشی و دلتەنگی تێکەلی ئێکبوون و زێدەتر ژ ١٠٠ هزار فەلەستینیان نڤێژا جەژنێ و نڤێژا مریان ب غایب لسەر رۆحا کوشتیێن مزگەفتا ئەقسا کر.
ئەڤرۆ پێنجشەمبی، وەک چەندین وەلاتێن ئیسلامی ل فەلەستین ئێکەم رۆژا جەژنا رەمەزانێ یە و د مەراسیمێ ئەنجامدانا نڤێژا جەژنێ ل مزگەفتا ئەقسا ل باژێرێ قودس زێدەتری ١٠٠ هزار فەلەستینی ئامادەبوون.
هەڤدەم، پشتی نڤێژا جەژنێ، نڤێژا مریان ب غایب "بێی ئامادەبوونا تەرمان لبەر سینگێ نڤێژکەران" لسەر کوشتیێن مزگەفتا ئەقسا کر.
ئەڤە د دەمەکی دایە، ئالۆزێن ڤێ جارێ یێن دناڤبەرا ئیسڕائیل و فەلەستینێ دا دەما چەند رۆژایە لسەر چەند خانیەکێن تاخێ شێخ جەڕاح دەستپێکریە. ئەڤە ژی بسەدەما وێیەکێ، ب بڕیارا دادگەهێ داخازکریە چار مال ل وی تاخی بهێنە چۆلبکرن، عەرەبێن ئورشەلیمێ "قودس"ژی دبێژن لسەر لەشێ مە دشێن خانیێن مە ژێ وەرگرن.
شەڤا ٩ی ڤێ مەهێ نڤێژکەران پشتی ئەنجامدانا نڤێژا تەراویحان، ب دژی ئاکنجیبوونا جوهیان ل تاخێ شێخ جەڕاح خونیشاندان ئەنجامدان و ب وی سەدەمی ئالۆزیی دروستبوون، د ئەنجام دا زێدەتر ژ ٢٠٠ فەلەستینیا و نێزیکی ١٥ پۆلیسێن ئیسڕئیلێ برینداربوون.
