فۆتۆ:
2021-05-12
1152 جار خوێندراوەتەوە
بەرۆڤاژی زۆربەیا وەلاتێن ئیسلامێ، چەند وەلاتا ئەڤرۆ چارشەمبی ب یێکەم رۆژا جەژنا رەمەزانێ دیارکر.
ئەڤرۆ چارشەمبی، هەر یێک ژ سەنیگال، نەیجەر، کۆتیڤوار و مالی، ئەڤرۆ وەک یێکەم رۆژا جەژنا رەمەزانا ئەڤسالە دیارکر.
جیاواز ژ ڤان چار وەلاتان ژی، ئێڤاریا دوهی سێشەمبی، هەر یێک ژی ئیمارات، کوێن، ئوردن، عێراق و هەرێما کوردستانێ ژی، ب پشت بەستن ب بریارێن لیژنا دیتنا هەیڤا وەلاتێ خۆ، بریاردا کو ئەڤرۆ چارشەمبی تەمامکەرا مەها رەمەزانێ یە و رۆژا پێنجشەمبی ژی یێکەم رۆژا جەژنا رەمەزانێ یە.
ب وێ یەکێ ژی، مەها رەمەزانا ئەڤسالە ل ١٣ی نیسانا ٢٠٢١ێ دەستپێکر و ١٢ی گۆلانێ ژی دێ داوی رۆژا رەمەزانێ بیت و موسلمان دڤێ مەهێ دا ٣٠ رۆژا ب رۆژی بوون، ل گورەی سالناما عەرەبا ژی؛ سالانە مەها رەمەزانێ ١٠ رۆژا پێشدکەڤیت.
د بەرامبەردا نڤیسینگەها عەلی سیستانی مەرجەعێ بلندێ شیعەیان ڕاگەهاند چاڤەرێ دهێتە کرن رۆژا پێنج شەمبی هەیڤ ب چاڤ بهێتە دیتن و رۆژا ئەینی دێ یێکەم رۆژا جەژنێ بیت.
هـ.ر