فۆتۆ:
2021-05-12
407 جار خوێندراوەتەوە
ل گورەی ئامارێن فەرمیێن هەر ئێک ژ ئیسرائیل و فەلەستین، تا نها ٣٦ فەلەستینی و پێنج ئیسرائیلی ل سەدەما ئالوزیێن دناڤبەرا فەلەستین و ئیسرائیلدا ژیانا خۆ ژ دەستدایە و نێزیکی ٧٠٠ کەس ژی بریندارن، سپێدەهیا ئەڤرۆ ژی ئیسرائیلێ تانک و زرێپۆش بەرەڤ فەلەستینێ لڤاندن.
شەڤا دەربازبووی، گروپێ چەکداریێ حەماس و رێکخراوێن چەکداریێن فەلەستینێ، هێرشەکا موشەکیی یا چر بۆ سەر ئیسرائیلێ دەستپێکر و د ڕاگەهاندنەکێدا ژی وی گروپی ئاماژە ب وێ یەکێ کر، کو ١٣٧ موشەک ئاراستەی ئاخا ئیسرائیلێ کرن.
سپێدەهیا ئەڤرۆ چارشەمبی سوپایێ ئیسرائیلێ ڕاگەهاند، ژ ئەنجاما هێرشا بالەفرێن شەرکەر بۆ سەر کەرتێ غەززە، دوو سەرکردێن بلندێن ڤەلڤینا حەماس ژ ئەنجامێ بۆردومانا بالەفرێن شەرکەر هاتینە کوشتن، ئەو ژی (حەسەن قەهوەچی سەرۆکێ دەزگەهێ هەوالگری یێ ڤەلڤینا حەماس و جێگرێ وی وائل عیسا) یە.
هەڤدەم، ل گورەی پێزانینێن نوچەیی، سوپایێ ئیسرائیلێ تانک و زرێپۆشێن وەلاتێ خۆ لسەر سنورێ وەلاتێ خۆ دگەل فەلەستینێ جێگیرکرینە و، ئۆپەراسیونا نوی دبیت دروستببیت.
هـ.ر